SHF 1-305 sync
Comment monseigneur Charles de Blois fut pris et tout son ost mort et
desconfit devant la Roche Darien en Bretaigne.
Celle propre heure et en cest
estat, endementres que ilz
estoient a conseil
d’eulx des
logier, vint la ung chevalier de
par la
contesse qui
s’appelloit messire
Garnier de Quadudal, atout cent armeu
res de fer, et n’avoit peu plus tost venir.
Si tost qu’il sçot le parti ou ilz estoient,
et
comment par leur emprise ilz avoient
perdu, si leur donna nouveau conseil
et ne fut
de riens effraié, mais dist a
messire Jehan et a
messire Tanguy: "Or
tost arméz vous et faites armer voz
gens, car nous yrons veoir noz ennemis.
Et ne doubtéz mie, selon ce qu’ilz se tiennent
pour tous asseuréz, que nous les
descon
firons et recouverrons noz dommages
et noz gens." Ce conseil fut creü,
et s’ar
merent derechief et vindrent, environ
soleil levant, ferir en l’ost
monseigneur Charles
de Blois, qui se dormoient et ne cuidoient
avoir plus
d’encombrier. Ces
Bretons et
ces
Anglois d’un costé
conmmencerent a
abatre tentes et paveillons et a occirre
gens et mettre a grant
meschief. Et
furent si surprins que oncques ilz ne
se peurent aider. La ot grant
descon
fiture sur eulx, et mors plus de deux
cens chevaliers et bien IIII
M d’autres gens,
et prins le dit
messire Charles de
Blois et rescoux
messire Thomas Dagorne et
tous leurs
compaignons. Oncques si
belle adventure n’avint a gens d’armes
comme il advint
la aux
Bretons et aux
Anglois, que de desconfire sur
une
matinee tant de nobles, et ce leur
doit bien tourner a grant prouesce.
¶ Ainsi fut prins
monseigneur Charles de
Blois des gens a la
contesse de Montfort,
et toute la fleur de
son païs avecques
lui. Et
fut amené ou
chastel de Hambont et le siege levé de
la Roche Darien. Si fut
la guerre a la
contesse de Montfort grandement embellie.
Mais tousjours
se tindrent les villes et les chasteaulx
et les forteresces de
monseigneur Charles de
Blois qui se car
madame sa
femme,
qui s’appelloit
duchesse de Bretaigne,
pris la guerre de grant
voulenté. Ainsi
fut la guerre en
Bretaigne de ces
deux
dames.
¶ Vous devéz savoir que
quant ces nouvelles furent venues
devant
Calais au
roy d’Angleterre et
aux barons, ils furent tous
resjouys
et tindrent l’adventure a moult belle.
¶ Or parlerons du
roy Phelippe de France et de
son conseil
et du siege de
Calais.
SHF 1-306 sync
Du grant mandement que le roy Phelippe de
France fist pour lever le siege de
Calais, mais il ne pot.
Le
roy Phelippe de France, qui sentoit
ses gens de Calais
durement
constrains selon ce qu’il estoit informéz,
et veoit que le
roy anglois ne s’en partiroit
pb 151 r