point si les auroit conquis, estoit gran
dement courrouciéz. Si s’avisa et
dist
qu’il les vouldroit conforter et com
batre le
roy anglois et
levé le siege
s’il pouoit. Si commanda par
tout
son royaume que
tous chevaliers et escuiers feussent a la Pentecouste en la
cité
d’Amiens.
¶ Ce mandement s’estendit
par tout le
royaume, se n’osa nul
refusé qu’il ne feust la ou mandé
estoit, au
jour de la Penthecouste ou tost aprés.
Et mesmement le
roy y fut et y tint
sa court sollempnelle au dit jour,
et moult de princes et
de haulx barons
deléz lui. Car le
royaume de France est
si grant qu’il ne
peut estre desgarny
de chevallerie et de noblesce.
¶ La
estoient le
duc de Normendie son
ainsné filz, le
duc
de Bourgoingne,
le
duc de Bourbon, le
conte de Foix,
monseigneur Loÿs de Savoie,
messire
Jehan de Haynault, le
conte
d’Armignach,
le
conte de Forest, le
conte de Valentinois et
tant de contes et de barons que
merveille seroit a recorder.
¶ Quant
tous furent assembléz a
Amiens et
la environ, si
ot le
roy pluseurs conseilz
par quel costé il pourroit courir sus
et combatre
les
Anglois. Et eust vou
lentiers veü que les passages de
Flan
dres lui eussent esté ouvers, si eust
envoyé au costé devers
Gravelines une
partie de ses gens pour combatre les
Anglois a ce costé bien et aisement
par la
ville de Calais. Si envoya le
dit
roy en
Flandres grans messages
pour traittier aux
Flamens sur cest
estat, mais le
roy d’Angleterre avoit
tant de
bons amis en
Flandres que ilz
ne lui eussent jamais ottroié ceste
courtoisie. Quant le
roy vit qu’il n’en
pourroit venir a bout, si ne volt mie
pour ce laissier son emprise, ne
ceulx
de Calais mettre a non chaloir, et
dist
qu’il se trairoit avant au léz devers
Bouloingne. Le
roy d’Angleterre estudi
oit nuit et jour comment il peust
ceulx de Calais constraindre, car bien
avoit oy dire que le
roy de France avoit
ung grant amas de gens d’armes et
le venoit combatre. Et sentoit la
ville
de Calais si forte que par assault il ne
la pouoit conquerre.Si y musoit et
ymaginoit souvent, et la chose qui plus
le confortoit c’estoit ce qu’il sentoit la
ville
de Calais mal pourveue de vivres. Si
ques pour eulx tolir le pas de la mer,
il fist charpenter ung grant chastel
de long marriens, et le fist faire si fort
que
on ne le pouoit grever. Et le fist
asseoir sur la rive de la mer et le fist
garnir
d’espingalles et de bombardes
et d’arcs a tour et d’autres instrumens,
et establit
dedens soixante hommes
d’armes et II
C
archiers qui gardoient
le
havre et le port de Calais pour les
faire plus tost
affamer. Et n’y pouoit
riens entrer ne yssir que tout ne feust
confondu. Ce fut
l’advis qui plus fist
de contraire a
ceulx de Calais.
¶ En
ce temps enhorta le
roy d’Angleterre tant les
Flamens qu’ilz yssirent hors
de
Flandres bien C
M et vindrent mettre
le siege devant la
bonne ville d’Aire et
ardirent tout le païs de la environ:
Memeville,
la Gorge,
Estelles,
Laventie et
une marche que l’en dit Laloe, et
jusques
aux portes de
Saint Omer et
de
Theroanne. Et vint
adont le
roy de
France logier en la
cité d’Arras et envoia
grant
foison de gens d’armes es gar
nisons d’
Artois, et envoya
son
connestable pb 151 v