gerent de
Vierson et puis chevaucherent
devers Romorentin. Adont estoient en
voiéz ou
païs de Berry depar le roy de
France trois
grans barons et bons chevaliers
pour garder les frontieres et pour aviser
le
convenant des
Anglois, c’est assavoir
le seigneur de Craon, monseigneur Bouci
cault et l’
Ermite de Chaumont. Et
avint ainsi
que ces trois seigneurs et
leur route ou bien avoit trois cens lances
chevaucherent sur les frontieres en costi
ant les
Anglois. et les avouent poursuivis
ja par six jours et n’avoient peu trou
ver leur avantage d’entrer en eulx, car
les
Anglois chevauçoient si
sagement
que on ne les pouoit assaillir ne riens
gaingnier sur eulx. Si se bouterent un
jour les diz seigneurs en embuche asséz
pres de Romorentin
sur ung pas qui
estoit asséz merveilleux, et par ou il
convenoit les
Anglois passer. Ce jour
estoient partis de la route du
prince messire
Berthelemy de Brunes, le sire de
Mucident, monseigneur Petiton de
Courton,
le sire de la Ware, le sire de Basset, monseigneur
Daniel Passelle, monseigneur Richart de
Pont Chardon, monseigneur Noel Lorinch, le
jeune sire Despensier, monseigneur
Edouart de Basset et
monseigneur Eustace
d’Aubrecicourt. Et estoient bien
deux cens
parmy leurs gens bien montéz, et venoient
courir devant Romorentin et passerent
parmy l’embuche des
François
que oncques
ne s’en donnerent de garde. Si trestost qu’ilz
furent oultre les
François ouvrirent
leur embuche et ferirent chevaulx des
esperons aprés eulx.
Les
Anglois, qui sen
tirent que c’estoient leurs ennemis, se
arresterent
tous a un fais pour les atten
dre. Les
François, qui venoient de grant
voulenté, aviséz de ce qu’ilz devoient faire
et tous serréz, les lances
abaissees, s’en
vindrent bouter en eulx. Adoncques
s’ouvrirent les
Anglois et les laisserent
passer oultre, et n’en y ot que cinq ou
six de celle empainte ruéz par terre, et
puis tantost se recloyrent et mistrent
ensemble, et s’en vindrent sur leurs en
nemis. La ot fort bouteis et dur de lances,
et dura
moult longuement. Et y ot maints
hommes abatus d’un léz et d’autre, et
par force
relevéz et rescoux. Endementiers
qu’ilz estoient en tel estat la bataille des
mareschaulx anglois va approchier
et les apparceurent les
François
comment
ilz venoient sur esle en costiant un bois.
Si se doubterent de tout perdre ainsi
qu’ilz eussent fait s’ilz eussent demouréz.
Si se partirent chascun, qui mieulx mieulx,
et alerent devers Romorentin et les
Anglois aprés.
La ot grant estour et dur,
et mains hommes mis a meschief et
renversé par terre.
Toutesfois la moit
ié et plus se sauverent et se bouterent
ou chastel de Romorentin, qui trop bien
a point leur vint, car autrement ilz
eussent esté tous prins. Si
eschapperent
par especial les trois barons et aucuns
autres
chevaliers et escuiers qui estoient bien
montéz. Et fut prinse la dite ville de Ro
morentin de premiere venue, car il n’y
avoit gueres de gens en la forteresse et
chascun des
François entendit a lui sauver
et eulx
y bouter.
SHF 1-373 sync
Les nouvelles vindrent au
prince que ses gens avoient eu rencontre;
il demanda de qui. On lui dist toute la
besoingne
aussi ainsi qu’elle estoit alee
et comment ses gens avoient boutéz
leurs
ennemis ou chastel de Romorentin.
"Chevauchons celle part," dist le
prince,
"je les vueil aler veoir de plus pres." Lors
pb 167 r