le duc de Normendie et
ceulx de Paris.
Si fut le dit roy de Navarre amenéz a
Paris et y fut receu a grant joye. Et le
virent voulentiers toutes manieres
de gens et mesmement le duc de Nor
mendie le festia grandement, mais
faire lui convenoit, car le prevost
des marchans et ceulx de sa secte lui
enortoient a faire. Si dissimuloit le
duc au gre
du dit prevost et d’aucuns
de
Paris.
SHF 1-412 sync
Quant le roy de Navarre ot esté
une espace a
Paris, il fist ung
jour assembler toutes manieres de
gens,
prelas, chevalliers, clercs de l’
univer
sité de Paris et ceulx qui y vouldrent
estre. Et la prescha et monstra premiere
ment en latin moult saigement, present
le duc de Normendie en lui complaignant
des griefs et des villennies que on lui
avoit
fait sans raison. Et dist que nul
ne se voulsist doubter de lui, car il
vouloit vivre et
mourir en deffendant
le
royaume de France et le devoit bien
faire car il en
estoit extrait de pere,
de mere et de droite ancesserie. Et
donna
adont par ses parolles a enten
dre que s’il vouloit chalengier la
cou
ronne de France il monsterroit bien
par droit qu’il en estoit plus prochain
que le roy
d’Angleterre n’estoit. Et
sachiéz que son sermon et son langage
fut moult
voulentiers ouy et moult
recommandé. Ainsi petit a petit entra
il en l’amour de
ceulx de Paris et tant
qu’ilz avoient plus d’amour et de faveur
a lui que ilz
n’avoient au regent, au
duc de Normendie. Mais quelque sem
blant ne amour
que le prevost des
marchans ne
ceulx de Paris monstras
sent au roy de Navarre, oncques messire
Phelippe ne s’i pot assentir
ne ne volt
venir a
Paris. Et disoit que en commu
nauté n’avoit nul
certain arrest
fors que pour tout honnir.
SHF 1-413 sync
Asséz tost aprés la delivrance
du roy
de Navarre advint
une merveilleuse tribulation ou
royaume de France
si comme en
Beau
voisin, en
Brie et sur la riviere de
Marne, en Launois, en
Valois, en la
terre
de Coucy et entour
Soissons.
Car aucunes gens de villes champestres
sans chief s’assemblerent en
Beauvoi
sin et ne furent mie cent hommes
les premiers. Et distrent que tous
les nobles du
royaume de France, che
valliers et escuiers honnissoient le
royaume et
que ce feroit grant bien
qui tous les destruiroit. Et chascun dist:
"Il dit voir. Honnis
soit il par qui il
demourra que tous les gentilzhommes
ne soient destruis." Lors se recueillirent
et s’en alerent sans autre conseil et
sans nulle armeure fors que
de ba
stons et de cousteaulx en la maison
d’un chevalier qui pres de la demouroit,
et briserent et tuerent le chevalier, la dame
et leurs enfans grans et petis, et
ardirent la
maison. Secondement
ilz alerent en ung autre fort chastel
et firent pis asséz, car ilz
pristrent
le chevalier et le lierent a une estache et
violerent sa femme et ses filles,
voiant le chevalier, et puis tuerent la
dame, qui estoit ençainte, et ses
filles et ses enfans
et le chevalier a grant
martire. Et ardirent et abatirent
le chastel. Ainsi firent ilz en
pluseurs
bonnes maisons. Et multiplierent
tant qu’ilz furent bien VI
M, et tousjours
leur nombre croissoit. Siques chascun chevallier
et escuier dame et damoiselles
pb 187 r