chevallier et escuier, dame
et damoi
selle les fuioient et portoient leurs
enfans dix ou douze lieues loing, ou
ilz les pouoient garentir, et laissoient
leurs maisons toutes
vagues et leur
avoir. Et roboient et ardoient tout telz
manieres de gens, et occioient tous
gentilzhommes et efforçoient et vio
loient toutes dames et pucelles comme
chiens
enragiéz. Certes oncques ne
advint entre crestiens et
Sarrasins telle
forcenerie que ces gens faisoient, car
qui plus faisoit de maulx ou plus de
villains fais
telz que creature n’oseroit
ne ne devroit penser, il estoit le plus
prisié entr’eulx. Je
n’oseroie raconter
les orribles fais et inconvenables que
ilz faisoient aux dames, et
entre les
autres villains fais, ilz tuerent ung
chevalier et le bouterent en ung haste et
le tournerent au feu et le rostirent
voiant la dame et ses enfans. Et aprés
qu’ilz
orent la dame efforcee et violee,
ilz lui vouldrent faire mengier de la
char du chevalier
et a ses enfans aussi, et
puis les tuerent. Et avoient fait un
roy entr’eulx, qui estoit, si
comme on
disoit, de Clermont en Beauvoisin, et
l’esleurent le pire
des pires, et appel
loit on ce roy Jaques Bonhomme,
car
meschans gens ardirent et aba
tirent ou
païs de Beauvoisin environ
Corbie,
Amiens et
Montdidier plus
de LX bonnes maisons et fors chaste
aulx. Et se Dieu n’y eust mis remede
par sa grace, le meschief eust esté si
multiplié que ilz eussent destruite
Sainte
Eglise, et toutes riches gens par tous
païs. Car tout en autelle maniere
faisoient
ilz ens ou païs de Partois
et de Brie, et convint toutes les dames
du païs, les chevaliers et escuiers qui eschaper
leur pouoient, affouir a
Meaulx en Brie,
l’un aprés l’autre, en pures leurs cottes
ainsi qu’elles
pouoient. Aussi bien la
duchesse de Normendie et la duchesse
d’Orleans, et foison de haultes dames
et autres s’en fuioient, se elles se vou
loient garder
d’estre violees et puis
aprés murtries et occises. Tout en
telle maniere se maintenoient
ces
mauvaises gens, entre
Paris et Noion,
entre
Paris et
Soissons et entre
Paris et
Hen et Vermendois. Et par toute la
terre de Coucy, en la
conté de Valois,
en l’
eveschee de Laon, de Noyon et de Sois
sons ilz
destruisirent plus de cent
chasteaulx et bonnes villes de chevaliers
et
d’escuiers, et tuoient et roboient
quanqu’ilz trouvoient. Mais Dieu
par sa grace y mist
remede, dont on
le doit bien remercier, si comme vous
orréz cy aprés.
SHF 1-414 sync
Comment les Jaques furent
desconfis et comment le duc de Normendie deffia le prevost des
marchans et la ville de Paris. Et du conte de Foix.
Quant les gentilzhommes
de Beauvoisin, de Corbiois,
de Vermendois, de Valois et des terres
ou ces meschans faisoient leur force
nerie virent ainsi leurs amis tuéz,
ilz manderent secours a leurs amis
en
Flandres, en
Braibant, en
Haynault et en
Behaigne. Si en vint tantost
asséz de tous costéz. Et s’assemblerent
les gentilz estrangiers et ceulx du
païs, qui les menoient. Si commencerent
aussi a tuer et a decoupper ces meschans
gens sans pitié et sans mercy, et
les pendoient aux arbres ou ilz les
trouvoient, mesmement le roy de
pb 187 v