jours tout le païs environ Noyon, et
s’estoient rachetees
toutes les bonnes
villes non fermees environ Noyon a
ces cappitaines a paier une quantité
de florins. Et aussi les abbaies, autrement
ilz
eussent tout destruit. Car ilz estoient
trop crueulx sur leurs ennemis. Par
telles manieres de gens demouroient
les terres vagues, et nul ne les laboroit,
dont
depuis ung chier temps nasqui
ou
royaume de France.
SHF 1-423 sync
Quant le duc de Normendie qui
se tenoit a
Paris entendit que
telles gens exilloient le païs
ou tiltre
du roy de Navarre, il s’avisa qu’il y
pourverroit de remede. Car par
telles
gens se pourroit perdre le
royaume
de France, dont il estoit hoir. Si en
voya par toutes les cités et bonnes
villes de
Picardie, de
Vermendois en priant que chascun selon sa quantité
lui voulsist envoyer a pié
et a cheval
une quantité de gens d’armes pour
resister a ces
Navarrois
qui exilloient
le royaume. Les cités et les bonnes villes
le firent moult
voulentiers et se tail
lerent chascune selon son aisement de
gens d’armes a pié et a
cheval, et se
trayrent premierement devant la
garnison de Mauconseil.
Si furent
cappitaines de toutes ces gens d’armes
l’evesque de Noyon, messire Raoul
de Coucy, le sire de Raineval, le sire
de Cauny,
le sire de Roye et messire
Baudouyn d’Ennekins et pluseurs
autres
bons chevaliers. Si assegerent
Mauconseil et y livrerent pluseurs
assaulx, et contraingnirent durement
ceulx qui la gardoient.
¶ Quant
ceulx qui dedens estoient, se virent
ainsi oppresséz et que
longuement
ilz ne se pouoient tenir qu’ilz ne feussent
prins et
desconfiz, si signifierent leur
povreté a messire Jehan de Piquegny,
qui pour
le temps se tenoit en la Ha
rielle, en priant qu’ilz feussent confortéz
ou
il les convenoit rendre a meschief.
¶ Quant messire Jehan de Piquegny
entendit ces
nouvelles, il ne les mist
mie en oubly, mais se hasta durement
et manda secretement
ceulx de Creel
en ung certain lieu qu’il leur assigna,
car il vouloit
chevauchier. Quant
ilz furent tous assembléz, ilz se trouverent
bien mile
lances de bons combatans.
Si chevaucherent de nuit ainsi que
guides les menoient et
vindrent
sur ung adjournement devant
Mauconseil. En celle matinee
faisoit
si grant bruine que on ne pouoit
veoir ung arpent de terre loing. Si
ferirent soudainement en l’ost des
François, qui de ce
point ne se gardoient,
et dormoient a petit de guet. Si com
mencerent a tuer et a
decopper gens
et a faire ung grant espars. Car les
François furent prins
sur ung pié
tellement qu’ilz n’eurent loisir d’eulx
armer, mais se mistrent a la fuite
devers la
cité de Noion, qui leur estoit
asséz prochaine, et les
Navarrois aprés.
La ot moult grant bataille et dur hutin et
moult
de gens mors et renverséz. Et
gesoient les mors a monceaulx sur
le chemin
de Noion, et dura la chace
jusques dedens les portes de Noyon
et fut la cité en grant peril d’estre
perdue. Car on dit que se les
Navarrois eussent voulu, a certes ilz feussent
bien entréz dedens car
ceulx de
Noyon furent si esbaiz qu’ilz n’orent
mie advis de clorre la porte devers
pb 192 v