chasteaulx et fortes maisons, et met
toient bien sur les champs quant ilz
vouloient plus de II
M combatans et
avoient mis le païs tout en leur subjection
et raençonnoient a leur voulenté sans
mercy et par especial
Albrest et sa
route. Si avoient prins ses gens et
tout ars et robé la
bonne ville Daumary,
Espervay, la
bonne ville de Vertus et
toutes
les villes selon la
riviere de Marne jusques a
Chasteau Thierry
et tout ainsi
environ la
cité de Rems avoient gain
gnié la
bonne ville de
Rouvroy et
le
fort chastel de Hans en Champaigne
et tout prins et robé tout quanque
trouvé y fut et tout amont jusques
a Sainte Menehot en Pertois. Et le
plusgrant cappittaine entr’eulx et
qui plus souvent chevauchoit c’estoit
messire
Eustace d’Aubrecicourt, et
tenoit dessoubz lui ou païs de Cham
paigne,
Pons sur Saine, c’estoit sa
chambre, Nogent sur Saine,
Damery,
Lucy, Saponay, Troy, Arsy sur Aube, Plancy
et pluseurs autres
forteresces et plus
avant sur la marche de
Bourgoingne et de Pertois se tenoient guerroieurs
qui s’appelloient Thiebault de Chaufour
et Jehan de Chautfour et avoient au
tiltre du roy de
Navarre prins en l’
eves
chié de Langres le chastel de Sangon.
Leans avoit quatre cens combatans
et couroient tout le païs jusques a
Verdun et raençonnoient tout ne
riens ne duroit devant eulx, et aussi
nul ne leur aloit au devant mais estoi
ent les seigneurs tous ensonniéz de
garder
leurs forteresces.
SHF 1-429 sync
D’autre part devers
Soissons et entre
Laon et
Rems estoient
autres pillars et robeurs qui raençonnoient
et roboient tout le païs
d’environ.
Le
sire de Coucy faisoit bien garder
sa terre par gens d’armes qu’il
avoit
retenus a ses gages, et estoit la sou
veraine garnison de ces pilleurs a
Veely. Si l’avoient reparee et fortiffiee
malement, et estoient bien dedens
VI
C combatans. Si en estoit cappitaine
Rabigois de Dury, ung
escuier anglois
appert homme d’armes. Si retenoit
toutes manieres de gens et de
com
paignons qui le vouloient servir
et leur donnoit certains gages et
les paioit
tellement que chascun le
servoit voulentiers. Si avoit avec
lui ung escuier qui
s’appelloit Robin
l’Escot, et estoient ainsi que compaignons
a perte et a gaingne.
Ce Robin l’Escot
pour soy avancier et renommee
avoir ala par
les festes de Noel gain
gnier sauvagement par nuit le
fort chastel de Roucy, et prins dedens
le propre conte, madame sa femme
et madamoiselle leur fille et tous
ceulx qui y furent trouvéz et aussi
toutes les
pourveances du chastel
et avec ce fut la ville toute robee.
Si en fist
le dit Robin l’Escot une
grande garnison qui depuis greva
durement
le païs de la environ et
si raençonna le dit conte, madame
sa femme
et madamoiselle leur
fille XII
M florins au mouton. Et
detint le chastel et la ville tout l’iver
et l’esté aprés, qui fut l’an LIX. Ainsi
estoit le païs foulé de tous léz, ne
on ne savoit auquel entendre, et
ne faisoit on nul labourage de
terre, dont ung moult
chier temps
nasquist depuis.
en ce temps
pb 195 r