Sisonne et trouverent ces pillars que
ardoient ung village.
si leur coururent
sus. Si cilz Hennequin François et sa
route mistrent
pié a terre et rengerent
leurs archiers devant eulx. La ot fort
hustin et dur d’un léz et
d’autre, et trop
bien furent assailliz ces
Navarrois qui estoient gens
de tous paÿs; et aussi
se deffendirent ilz vaillamment, et
eussent esté desconfiz se les
bourgois
de Laon feussent demouréz, mais ilz
se partirent a petit de fait. Mais
ilz
se mistrent au retour devers
Laon dont
ilz receurent grant blasme.
Et les autres
demourerent qui se combatirent bien
et longuement. Toutesfois la journee
ne fut point pour eulx. La fut le conte
de Porcien durement navréz et a grant
meschief sauvé, et le sire de Montigny
et messire Girart de Cavency
et pluseurs
autres, et le conte de Roucy moult navré
et pris la seconde fois et livré a Rabigois
de Dury et a Robin L’Escot qui l’emmene
rent derechief en prison en son chastel
de Roucy. Ces
deux aventures ot il en
moins d’une annee.
SHF 1-439 sync
Ainsi estoit le
royaume de France de tous léz pilliéz ne on ne sa
voit quel part chevauchier que on
ne feust ruéz jus. Et se
tenoit
messire
Eustace d’Aubrecicourt en Champaigne
dont
il estoit ainsi que tout maistre;
et avoit du jour a l’endemain VIII
C
ou mille combatans, et couroient
une fois devant Troies, l’autre devant
Provins et jusques a
Chasteau Thierry et jusques a Chaalons. Et estoit tout
le plat paÿs en leur
mercy d’une part
et d’autre
Saine et d’une part et d’autre
Marne. et y faisoit le dit messire Eu
stace pluseurs belles appertises
d’armes
et nul ne duroit devant lui, car il
estoit jeune et amoureux. Et
conquist
tres grant avoir en raençons en
vendages de villes et de chasteaulx
et en
saufconduis qu’il donnoit. Car
nul n’osoit venir ne aler, marchant
ne autre, ne yssir des
citéz ne des
bonnes villes se ne fut par son dangier,
car il tenoit a ses gages bien mil
combatans et dix ou douze forteresces.
¶ Le dit messire Eustace amoit adont
tres loyaument par
amours une
dame de moult grant lignage, et la
dame aussi lui. On
la puet bien nommer
car il l’ot depuis a femme espousee:
on l’appelloit madame
Ysabel de Julliers
fille jadis au conte de Julliers de
l’une des filles
au conte de Haynault,
et estoit la royne d’Angleterre son
ente. Et ot en
sa jeunesce espousé en
Angleterre le conte de Kent, mais il
mourut jeune, si estoit ceste dame
jeune et avoit enamouré le dit
messire
Eustace pour les grans ba
cheleries et appertises d’armes qu’elle
en oyoit tous les
jours recorder de lui.
En ce temps que le dit messire Eustace
se tenoit en Champaigne la dite dame
lui envoya haguenees et coursiers
et lettres amoureuses et grans signi
fiances d’amours par quoy le dit
chevalier
en estoit plus hardy et plus
courageux et faisoit tant que chascun parloit de lui.
SHF 1-440 sync
Comment le roy de France fist
assegier Meleun sur Saine. Et comment le roy de France et
le roy de Navarre firent paix derechief et de l’ordonnance de la bataille
de Nogent sur Saine.
pb 200 r