a messire Eustace. Si se porta le traittié
tellement que messire
Courageux de
Mauny, sur bon saufconduit que le dit
Faucon lui
impetra, vint devers les
parties que le dit chevalier fut mis a finance
parmy
XXII
M frans qu’il paia tous
appareilliéz, car les compaignons des
forteresces de
Brie et des garnisons de
Champaigne
se taillerent trop voulentiers
et en paia chascun sa part. Ainsi fut delivré
le dit messire Eustace et ot parmy sa
delivrance son coursier et sa haguenee
que madame Ysabel de Julliers contesse
de Kent pour le temps qui loyaument
l’amoit
lui avoit envoiéz d’
Angleterre.
Et rendirent encores les
Anglois aux
François parmy la delivrance de messire
Eustace le fort chastel de Conflans en
Champaigne qu’ilz tenoient.
¶ Quant
les compaignons anglois et alemans
qui tous vivoient de
guerroyer le
royaume
de France et avoient vescu ung grant
temps orent messire Eustace deléz eulx,
si se tindrent a trop bien paiéz, et le firent
leur
souverain dessus tous et se ralie
rent toutes manieres de gens a lui.
Si chevaucherent
et entrerent en la
conté
de Rethel ou ilz n’avoient encores point
esté, et
pristrent la bonne ville de Athi
gny sur Aisne et trouverent dedens
plus de XV
C pieces de vin, dont ilz orent
grant joye. Si en firent leur
souveraine
garnison et coururent tout le païs
autour de
Rems et
pristrent et pil
lerent Espernay,
Damery, Craonne
et la
bonne ville de Vertus, ou ilz orent
grant proffit, et en firent
les
Anglois une garnison qui couroit tout le païs
d’environ selon la
riviere de Marne jusques a la Ferté Nulon. Et venoient
ceulx d’Athigny courir tous les jours
jusques a Maisieres
sur Meuse et jusques
au Chesne Poilleux.
SHF 1-450 sync
Comment messire Broquart de
Fenestranges deffia le roy de France et pilla et gasta pluseurs villes ou
païs de Champaigne, et des Auvergnois qui furent deceus par les Anglois.
En ceste mesme saison advint
que ce chevalier messire
Broquart
de Fenestrages qui avoit esté de l’aide
du duc de Normendie
et des
François contre les
Anglois et les
Navarrois et les avoit aidié a ruer jus et a bouter
hors des forteresces de Champaigne
avoit esté mauvaisement paié de ses
gaiges que pour lui
que pour ses gens,
et lui estoient deubz XXX
M frans. Si s’en
merencolia en soy mesmes et envoya
certains hommes depar lui a
Paris
devers le duc de Normendie pour avoir
cel argent et pour paier ses souldoyers
qui se complaignoient tous les jours
a lui de son paiement.
¶ Le duc de
Normendie et son conseil ne respondi
rent mie adont a la plaisance des
gens messire Broquart et retournerent
arrieres sans riens exploictier ens ou
païs de Champaigne devers messire
Broquars. Et lui recorderent tout ce qu’ilz
avoient trouvé et les parolles; de quoy
messire Broquart ne se tint mie
pour comptant. Et tantost envoya
deffier
le duc de Normendie et tout le
royaume de France et entra en une
bonne ville que on dit Bar sur Saine
ou a ce jour avoit plus de IX
C hostelz.
Si la pillerent et roberent toute et mistrent
ses gens grant peinne
a conquerre le
chastel, mais ilz ne le porent avoir car
il estoit fort et bien
gardé. Quant ilz
virent qu’ilz ne le porent avoir si se
pb 205 v