que la puissance du
prince de Galles
et d’Acquitine le mist hors et remist
derechief le roy dam Pietre son frere
en la possession et
seignourie des
royaulmes dessus ditz, si comme vous
orréz recorder avant en l’istoire.
SHF 1-549 sync
Quant le roy Henry se vit ainsi
en tel estat et aussi au dessuz
de toutes ses
besoingnes et que toutes
gens, frans et villains, obeissoient a
luy et le tenoient pour leur roy et seigneur
et encores n’estoit nul apparant de
nul contraire que on lui
voulsist deba
tre, si ymagina et geta son advis
pour son nom exaultier et pour em
ploier ces gens
de compaignes qui
estoient yssuz hors du
royaulme de
France, que il feroit ung voiage sur
le roy
de Grenade. Si en parla a plu
sieurs chevaliers qui la estoient et en furent
bien d’accord. Encores
revenoit deléz
lui le roy Henry les chevaliers du
prince messire Eustace d’Aubrecicourt et mes
sire
Hue de Cavrellee et les aultres et
leur faisoit et monstroit grant semblant
d’amour en entencion
de ce que il en
vouloit estre aidié ou voiage de
Gre
nade ou il esperoit a aler. Asséz tost
aprés son
couronnement se departirent
et pristrent congié de lui la plus grant
partie des chevaliers de France
et leur fist
grant prouffit au partir, et retourne
rent le conte de la Marche et messire
Arnoul
d’Andrehan, le sire de Beau
jeu et plusieurs aultres. Encores de
mourerent deléz le dit roy Henry
de Ca
stille, messire Bertran du Guesclin, mes
sire Olivier de Manny et les
Bretons et aussi les
compaignons jusques adont
que aultres nouvelles leur vindrent
Et fut messire Bertrand
du Guesclin
con
nestable de tout le royaulme de Castille par l’accord du roy Henry premierement
et de tous les barons du païs. Or vous
parlerons du roy dam Pietre comment
il s’estoit maintenuz.
Comment le roy Dampietre pria au prince de Gal
les que il lui voulsist aidier a ravoir son
royaulme a l’encontre de son frere Henry, le bastart d’Espaigne.
Vous avéz bien oy recorder com
ment le dit roy dam Pietre s’es
toit boutéz ou chastel de la
Caloingne
sur Mer, sa femme avec lui et ses deux
filles, et damp Ferrant de castres tant seul
ment.
Sicques pendant que le bastart
son frere, par la puissance des gens d’ar
mes qu’il avoit attraiz et
mis hors du
royaulme de France conqueroit
Castille et que tout le païs se rendoit a lui, si comme
cy dessus est dit, il avoit esté durement
effeyéz et n’estoit mie du tout asseuréz
ou dit chastel de
la Caloigne, car il doub
toit trop mallement son frere le bastart,
et bien se doubtoit et pensoit que
la on
le sauroit on le venroit querre de force
et assegier, si n’avoit mie attendu ce peril
mais
s’estoit parti de nuit et mis en une
nef, sa femme avec ses deux filles et damp
Ferrant de Castres
et tout ce qu’il avoit
d’or et d’argent et de joyaulx. Mais ilz
orent le vent si contraire que ilz ne
porent
oncques eslongnier de la Caloigne et les
y convint retourner et rentrer derechi
ef en la
forteresse. Adont demanda le
roy dam Pietre a damp Ferrant de Castres
son chevalier, comment
il se maintendroit
et en soy complaignant de Fortune qui
ainsi lui estoit contraire.
"Monseigneur,"
dist il, "ainçois que vous partéz d’ici il seroit
pb 258 v