derons asséz briefment." Ceste response
pleust asséz bien a ces chevaliers et se trai
rent l’andemain a
Londres. Il ne demour
ra guerez de
temps depuis que le roy
d’Angleterre vint a
Westmonstier et la
fut a ce jour une partie de son
conseil,
son filz le duc de Lancastre, le conte d’A
rondel, le conte de Sallebery, le sire de
Manny,
messire Regnault de Gobehen, le
sire de Persy, le sire de Neufville et moult
d’aultres. Et aussi des
prelas l’evesque
de Vincestre, l’evesque de
Lin et l’evesque
de
Londres. Si conseillerent grandement
et longuement sur les lettres du
prince et a la priere qu’il
faisoit au roy son pere.
Finablement il sembla au dit roy et a
son conseil chose deue et raisonnable
du
prince entreprendre ce voiage et
remettre et mener le roy d’Espaigne
arriere en son heritaige,
et le accorderent
tous notoirement. Et sur ce ilz escrip
sirent lettres notables depar le roy et le
conseil d’Angleterre au dit
prince et a
tous les barons d’Acquitaine et les ra
porterent arrieres
ceulx qui apportees
les avoient et revindrent en la
cité de
Bordeaulx ou ilz trouverent le
prince
et le roy dam Pietre, auxquelx ilz bail
lerent aulcunes lettres que le roy d’Angle
terre leur envoioit.
Si fut de nouvel
ung parlement nommé et assigné en la
cité de Bourdeaulx, et y vindrent tous
ceulx qui mandéz y furent. Si furent
la leues les lettres du roy d’Angleterre
qui parloient et
devisoient plainement
comment il vouloit que le
prince son filz en nom de Dieu et de
saint George
entre
prist a remettre le roy dam Pietre son
cousin en son heritaige dont on l’avoit
a tort et sans
raison frauduleusement, si
comme il appert, bouté hors; et faisoient en
cores les lettres
du roy mencion que moult
y estoit tenuz par certaines alliances faictes
jadis, obligees et
convenancees entre luy
et le roy de Castille son cousin, de lui ai
dier ou cas que besoing seroit et
que priéz
et requiz en seroit; et commandoit a tous
ses feaulx et prioit a tous ses amis que le
prince de Galles son filz feust aidiéz con
fortéz et conseilliéz en toutes ses besoi
gnes, si comme
il feroit d’eulx s’il estoit
present. Quant
tous les barons d’Acqui
taine oirent lire ces lettres et virent
le man
dement du roy et la grant voulenté du
prince leur seigneur, si en respondirent
lieement et
distrent: "Monseigneur, nous
obeirons au commandement du roy nostre sire
et vostre pere, c’est
bien raison, et vous ser
virons en ce voiage et le dam Pietre
aussi, mais nous voulons sçavoir qui
nous
paiera et deliverra noz gaiges. Car on
ne met mie hors gens d’armes ainsi pour
aler guerroier
en estrange païs sans
estre paiéz et delivréz." Adont regarda
le
prince sur le roy et dist: "Sire
roys,
vous oyéz que nos gens dient. Si en
respondéz, a vous en tient a respondre
qui les devéz et
vouléz embesoingner."
Adont respondi le roy dam Pietre au
prince et dist: "Mon chier cousin,
si avant
que mon or et mon argent et mon tresor
que j’ay admené pardeça, qui n’est pas
si grant
de trante fois comme cellui depar
dela est, se pourra estandre, je le veuil
donner et departir a voz
gens." Dont dist
le
prince: "Vous dites bien, et du surplus
je feray ma debte devers eulx et
deli
vrance, et vous presteray tout ce que il
vous fauldra jusques ad ce que nous
soions en
Castille." "Par mon chief," res
pondi le roy dam Pietre, "si me feréz
grant grace et grant
courtoisie." Enco
pb 261 v