le
sire de Garencieres, avecques pluseurs
chevalliers et escuiers qui y firent
maintes belles appertises d’armes, comme
vous pourréz ouyr en l’istoire.
¶ Or
me tairay a present de ceste matiere et me
retrairay a nostre matiere
de paravant.
SHF 1-70 sync
Quant le
roy Edouart d’Angle
terre et les autres seigneurs
a lui
aliéz se furent partis du parlement,
si comme vous avéz ouy, le
roy se retra
ist a
Louvain et fist appareillier le
cha
stel pour y
demourer. Et manda la
royne
sa femme, s’elle vouloit venir pardeça
la
mer, il lui plairoit bien, car il ne
pouoit de la repasser toute celle annee.
Et renvoia
grant foison des ses chevaliers
oultre pour garder
son païs mesme
ment sur
la
marche d’Escoce.
¶ La
royne dessus dite prist en grant plai
sance ces nouvelles du
roy son seigneur,
et s’appareilla, au mieulx et au plus
tost qu’elle pot,
pour rappasser la mer.
¶ Endementres que ces besoingnes
se detrioient, les autres chevaliers anglois
qui estoient en
Braibant deléz le
roy s’espandirent aval
le
païs de Flandres
et de Haynault en tenant grant estat
et en faisant grans
fraiz, et n’espair
gnoient ne or ne argent ne que s’il
leur pleust de nues, et donnoient
grans joyaulx aux seigneurs, aux
dames et aux damoiselles pour acquerir
louenge entr’eulx et celles avecques
qui ilz conversoient. Et tant faisoient
qu’ilz
avoient grant los et estoient
prisiéz de tous et de toutes, et mesmement
du commun
peuple, a qui ilz ne donnoient
riens, pour le bel estat qu’ilz menoient.
¶ Or revindrent de l’
empereur messire
Loÿs de Bavieres, environ la Toussains,
le
marquis de Juilliers et sa compaignie.
Si signifia, par certains messages
chevaliers, et escript au
roy Edouart sa
revenue, et lui manda aussi que
Dieu mercy il avoit tres bien exploitié.
¶ De ce nouvelles fut le
roy an
glois moult joyeux, et rescripst au
dit
marquis que, a la feste saint Martin,
il feust devers lui,
et que a ce jour
les autres seigneurs y seroient.
Avecques tout ce, le
roy anglois se
conseilla au
duc de Braibant son
cousin, et lui demanda ou il vouloit
que ce parlement se tenist. Le
duc,
avisé de respondre, ne voult mie a
donc qu’il feust en
son païs, et si ne
voult mie aler jusques a
Trech, ou
la journee eust esté bien seant
pour
cause des seigneurs de l’
Empire. Ains
ordonna et voult
qu’elle feust a
Her
ques, qui siet pres de
son païs en la
conté de Los.
¶ Le
roy anglois,
sachiéz, avoit si grant desir de sa
besoingne
avancier qu’il lui couve
noit poursuir et attendre tous les
dangiers et les voulentés
du
duc son
cousin, puisqu’il s’i estoit embatu,
et s’accorda a ce que la
journee feust
assignee a
Arques. Si la fist savoir
a tous ses aliéz,
qui tous vindrent
a son mandement au jour de la Saint
Martin.
¶ Quant tous furent
la venus, sachiéz que la
ville fut
grandement pleinne de seigneurs,
de chevalliers et d’escuiers et de toutes au
tres
manieres de gens. Et fu la
halle de la ville, ou l’en vendoit pain
et char
qui gueres ne valoit tellement,
encourtinee de beaux draps comme la
chambre du
roy. Et fut le
roy an
glois assis, la couronne d’or moult
riche et
moult noble sur le chief, et
pb 38 r