Et tant se monta ceste chose et la
fellonnie des Rommains que ceulx
qui plus prouchains estoient du
conclave pour donner cremeur aux
cardinaulx et a ceste fin qu’ilz descen
dissent plus tost a leur voulenté rom
pirent par leur mauvaistié le con
clave ou les cardinaulx estoient;
et lors cuiderent bien les cardinaulx
estre tous mors et s’enfouirent l’un
ça l’autre dela. Et les Rommains ne
se tindrent mie a tant, mais mistrent
les cardinaulx ensemble, voulsissent
ou non, et leur dirent qu’ils feroient
pape voulsissent ou non. ¶ Les
cardinaulx, qui se veoient ou dangier
des Rommains et en grant peril, s’en
delivrerent pour appaisier le peuple,
et le firent par bonne election d’un
moult saint homme cardinal et de
la nacion de Romme, lequel pape Urbain
Ve avoit fait cardinal, et l’appelloit
on le cardinal de Saint Pierre. Ceste
election pleust grandement aux
Rommains et ot la li preudons tous
les drois de papalité, mais il ne vesqui
que trois jours. Je vous diray pour
quoy. Les Rommains, qui desiroient
a avoir ung pape rommain, furent si
resjoiz de ce pape que ilz prindrent
le preudomme, qui bien avoit cent
ans et le monterent sur une blanche
mule et le menerent et pourmenerent
tant parmi Romme en exaulçant leur
mauvaistié et en monstrant que
ilz avoient vaincu les cardinaulx
quant ils avoient ung pape rommain
que il fut tant travaillié que au ti
ers jour il s’alicta et morut. Si fut ense
veli ent l’eglise Saint Pierre et la gist.