les aultres et les gens de pié la ou
ilz estoient logiéz jusques a l’ande
main que il leur seroit signifié com
ment ilz aroient exploictié. Le conte
de Pallas atout cent lances et messire
Thomas Trivet atout sa route se de
partirent et avoient guides qui les de
voient mener; et devoient chevaul
chier en quatre routes et en trois a
guetz pour plus secretement faire leur
emprise et mieulx venir et plus aise
a leur entente. Environ deux heures
en la nuit ilz s’armerent tous et furent
a cheval et n’avoient nulles trom
pettes, mais les capitaines et les gui
des sçavoient bien les certains lieux
ou ilz se devoient retrouver pour
venir tous et d’un point devant le Val
de Sorie. Et avoient ja monté la mon
taigne et trespassé et chevaulchié
sur les plains quant ung gresil et
une noige va commencier a venir si
fort et si roide que merveille fut. Et
la terre toute couverte de noige, par
quoy les guides perdirent tout leur
chemin et furent tous en grant des
troit de noige et de froit. Et chevaul
cherent jusques a l’andemain a nonne
avant qu’ilz peussent trouver l’un
l’autre. Ceste mesadventure des An
glois chei grandement bien a point
pour ceulx du Val de Sorie, qui ne se
donnoient garde de ceste embusche,
car se ilz se feussent tous trouvéz ensem
ble a l’eure que mise y avoient, ilz la
eussent eue par eschiellement, ne ja
n’y eussent failli.
SHF 2-79 sync Quant messire Thomas Trivet
et ceulx qui ces gens d’armes
menoient virent que ilz avoient failli
a leur entente si furent durement pb 398 r