point du jour, fist on sonner les
trompettes
en l’ost du duc. Si s’ordonnerent et arme
rent toutes manieres
de gens, et arrou
terent le charroy. Si passerent la dicte
riviere de Selles et
entrerent derechief
en
Haynault, car le duc vouloit venir
devers
Valenciennes, et adviser com
ment il la pourroit assegier. Ceulx
qui chevaucherent devant les ma
reschaulx, c’est assavoir le sire de
Mirepoix,
le sire de Nosiers, le Galois de la Baume
et messire Thibault de Morueil, a bien IIII
C lances
sans les brigans, qui s’en vindrent
devant Le Quesnoy. Et approcherent
tant
qu’ilz vindrent jusques aux barrieres,
et firent grant semblant de vouloir as
saillir, mais elle estoit si bien pourveue
de bonnes gens d’armes et de grant ar
tillerie qu’ilz eussent perdue leur peinne.
Nompourquant ilz escarmoucherent
ung
petit devant la ville, mais on les
fist bien retraire. Ceulx du Quesnoy
descliquoient canons et bombardes,
par quoy les
François se
doubterent de
leurs chevaulx, et se retrayrent pardevers
Wargny le Grant et
Wargny le Petit,
Frelannes, Faumars,
Sanneres,
Artre Artereil, Sutain, Estinain, Ausnoy et
Saumars, ou ilz bouterent le feu, siques
les flammesches en voloient vers la
ville de Valencienne. Et puis vindrent
ces coureurs vers
Valenciennes, ende
mentres que les
François ordonnerent
leur bataille
sur le Mont de Castres,
pres de
Valenciennes, et la se
tenoient
moult estoffeement et en grant arroy.
Donc il advint que environ II
C lances
des leurs, dont le sire de Craon, le sire
de
Maulevrier et le sire de Matefelon
estoient conduiseurs, vindrent
pardevers
Maing assaillir une bonne forte tour
quarree, qui pour le temps estoit a Jehan
Bernier de Valenciennes. La ot grant
assault dur et fort, et dura presques
tout le jour, ne on n’en pouoit faire
les
François partir. Si en ot il cinq ou
six de
mors, et si bien se tindrent et def
fendirent ceulx qui la gardoient qu’ilz
n’y
prindrent point de dommage. Si
s’en vindrent le plus des
François a
Trie, et cuiderent de premiere venue
la passer
l’Escault, mais ceulx de la
ville avoient le pont
deffait, et deffen
doient le passage roidement. Jamais
en cel endroit ne l’eussent les
François conquis, mais il en y ot entr’eulx qui
bien congnoissoient
le passage et la
riviere aussi, si en menerent bien deux
cens de pié passer par les planches a
Prouvy. Quant ceulx furent
oultre,
ilz vindrent tantost par derriere sur
ceulx de Trie, qui n’estoient
que ung pou
de gens au regart d’eulx, lesquelz ne
peurent durer, mais tournerent en
fuitte. Si en y ot pluseurs occis et me
haigniéz.
¶ Ce mesme jour estoit
parti de
Valenciennes le seneschal de
Haynault a cent armeures de fer, et
yssus de la ville par la Porte
Duram,
et pensoit bien que ceulx de Trie avoient
a faire, si les
vouloit secourir. Donc il
avint que dessus Saint Wast il trouva
de
rencontre XXV coureurs françois
que trois
chevalliers de Pontieu me
noient, messire Boucicault l’un et le
sire de Surgieres l’autre, et messire
Guilleaume Blondeau le tiers, et avoient
passé
l’Escault asséz pres de
Valenciennes,
au pont que on dit a la Tourielle, et
avoient couru par droitte
bachelerie
dessus Saint Wast.
¶ Quant le senes
chal les vit il en fut moult joyeux,
pb 55 r