au conte de Haynault pour tant qu’il
estoit françois, et le conte le tenoit en
sa main et le faisoit garder pour les
François. Si avoient souvent le hutin
ceulx de la Malle Maison a ceulx de
Lendrechies. Dont ung jour saillirent
hors ceulx de la Malle Maison les des
sus diz Allemans, bien arméz et bien
montéz. Si vindrent courir devant la
ville de Lendrechies entre les Hannuyers,
qui la se tenoient. Donc s’armerent
le sire de Poutelles et tous ses compai
gnons, si monterent a cheval pour
rescourre la proie que les Allemans
en menoient en la Malle Maison.
¶ Or estoit adoncques le sire de Pou
telles tout devant, et le suivuoient ses
gens, chascun qui mieulx pouoit. Il, qui
estoit de grant voulenté et plain de
hardement, abaissa son glaive et
escria aux François qu’ilz retournas
sent, car grant honte estoit de fouir.
La avoit ung escuier allemant, appellé
Alprest de Coulongne, appert homme
durement estoit, le quel fut tout hon
teux quant il se vit ainsi chaciéz. Si
retourna franchement et abaissa
son glaive et fery cheval des esperons,
et s’adreça sur le seigneur de Potelles,
et le chevalier sur lui, tellement qu’il le
fery sur sa targe ung si grant horion
que le glaive vola en pieces. Mais
l’Allement le consuivi de son glaive
roidement et enfumé qui point ne brisa,
ains lui perça la targe, ses plates et
l’auqueton, et lui entra dedens le corps
et le poingny droit au cuer, si qu’il
l’abbatit jus du cheval a terre mort.
Dont vindrent ses compaignons et
ses gens, qui s’arresterent sur lui, et
quant ilz le virent en tel party, ilz pb 56 v