plus que d’autres
pour cause des
Flamens.
Et envoya le
sire de
Wauvrins en
Mortai
gne pour faire frontiere contre les
Han
nuiers. Et puis
envoya grant foison
de gens d’armes a
Saint Omer, a
Aire et a
Saint Venant, et pourvey souffisamment
tout le païs
sur les frontieres de
Flandres.
¶ En ce temps regnoit en
Secille ung roy qui estoit
appellé Robert, le quel
avoit la fame et la renommee d’estre
ung tres grant
astronomien. Et def
fendoit ce qu’il pouoit au roy de France
que point ne
se combateist au roy an
glois, car il devoit estre trop fortunéz
en toutes ses
besoingnes. Et eu voulen
tiers veü le dit roy Robert que on les
eust mis
d’accort et mis fin en leurs
guerres, car tant amoit la
couronne
de France
que envis eust veü la desola
tion. Si estoit le dit roy venus en
Avi
gnon devers le pappe et le
Saint College,
et leur
avoit monstré les perilz qui
pouoient venir en France par le descord
et guerre des deux roys, et leur prioit
qu’ilz se voulsissent
essonnier d’eulx
appaisier. Au quel le
pappe Clement et le college respondirent que voulen
tiers y pourverroient, mais que les
deux roys en voulsissent ouyr.
SHF 1-118 sync
A ce parlement qui fut a
Ville
vort furent tous les seigneurs
qui cy aprés sont nomméz: premierement
le roy Edouart d’Angleterre , le duc Jehan
de Braibant, le conte de Haynault et
son oncle, le duc de Guerles, le conte
de Juilliers, le marquis de
Blanquebourch
le marquis de Misse et d’Orient, le conte
des
Mons,
messire Robert d’Artois, le
sire de Fauquemont et
messire Guillaume
de Duvort, le conte de Namur,
Jaquemart
d’Artevelle et grant foison d’autres sei
gneurs et de contes, et de
toutes les bonnes
villes de Flandres, de Braibant et de Haynault
deux ou trois hommes par maniere de
conseil.
¶ La furent parlementéz plu
seurs advis et estatus entre les seigneurs
et les
païs, et accorderent et seellerent
les trois païs dessus
diz qu’ilz seroient
de ce en avant aidans et confortans l’un
l’autre en tous cas et en
tous affaires.
Et s’alierent par certaines alliances que
se l’un des païs
avoit a faire quelque
part que ce feust, les deux autres lui
devoient
aidier, et s’il leur advenoit que
ilz feussent en discort ne en guerre du
temps avenir
les deux ensemble, le tiers
y devoit mettre bon accort. Et
s’il n’estoit
fort pour ce faire, il se devoit traire au
roy d’Angleterre, en
qui main ces con
venances estoient dites et jurees a
tenir fermes et estables, qui
comme ressort
les devoit rappaisier.
Et furent pluseurs
estatus la juréz, escrips et seeléz qui
depuis se tindrent. Mais
touteffoiz, par
confirmation d’amour et d’amistie, ilz
ordonnerent a faire forgier
une mon
noie courable es trois païs, que on ap
pelloit compaignons et alliéz. Sur la
fin des parlemens il fut dit,
arresté et
regardé pour le meilleur que environ
la Magdalene le roy anglois s’esmou
vroit et vendroit mettre le siege devant
la
cité de
Tournay. Et la y devoient
estre tous les seigneurs dessus nomméz,
avecques
leurs mandemens de chevaliers
et d’escuiers, et le pouoir des bonnes vil
les. Si se partirent sur cel estat que
pour eulx retraire en leurs païs, et
soy
appareillier souffisamment, chascun
selon ce qu’il appartenoit, et pour estre
mieulx
garnis et pourveuz quant
le jour, le terme et la journee qu’ilz
pb 61 v