et l’entree de
Bretaigne. Lequel estoit
moult bien fourni et garni de gens
d’armes, desquelz
estoient cappitaines
deux vaillans chevaliers, dont l’un avoit
nom messire Mille et l’autre Waleran
et estoient de
Lorraine.
¶ Quant le
duc de Normendie et les autres seigneurs
virent le chastel si fort, ilz orent conseil
qu’ilz l’assegeroient. Car s’ilz aloient avant
et ilz laissoient une garnison derriere
eulx, ce leur pourroit tourner a grant
dommage. Si y firent pluseurs grans
assaulx, et mesmement les
Genevois,
qui durement et follement s’abandon
noient pour eulx mieulx monstrer
a ce commencement, si qu’ilz
ilz y
perdirent de leurs
compaignons par
pluseurs fois, car ceulx du chastel
se deffendoient
sagement et forment.
Siques les seigneurs demourerent
la grant piece avant qu’ilz
le peussent
avoir. Mais au derraint ilz firent
si grant atrait de marrien, qu’ilz
firent mener par force de gens
jusques aux fosséz du chastel, et
plus
encores, car ilz firent assaillir
si fort que, en assaillant, ilz empli
rent les fosséz de
ces velourdes et
de ces marriens, tant que on pouoit,
bien puisque on feust couvert,
aler
jusques aux murs du chastel, com
bien que ceulx du chastel
se deffen
dirent si bien et si vassaument
que on ne pourroit mieulx devi
ser,
comme de traire, de getter
pierres, feu et chaux a grant foison.
Mais ceulx de
dehors avoient fait
chas tout alentour, par quoy on
piquoit les murs tout alentour
a couvert.
¶ Que vous feroie
je long compte? Ceulx du chastel
virent
bien que point n’avoient de
secours et qu’ilz ne se pouoient longue
ment tenir,
puisque on pertuisoit
leurs murs et bien savoient que ilz
n’auroient point de mercy,
se on les pre
noit a force. Si eurent conseil entr’eulx
qu’ilz se renderoient, sauves
leurs vies
et leurs membres, si comme ilz firent,
et les pristrent a mercy les
seigneurs.
Ainsi fut gaingnie, par ces seigneurs
de France, Chastonseaulx, dont ilz orent
moult grant joye, car bien leur sembla
que ce
fut beau commencement tant
que de leur premiere emprise.
SHF 1-148 sync
Quant le duc de Normendie et
ces autres seigneurs orent
gaingnié Chastonseaulx comme ouy
avéz, le duc de Normendie, qui estoit
souverain de tous, le livra a messire
Charles de Blois
comme sien, et mist
dedens bon chastellain et grant foison
de gens pour garder
l’entree du païs
et pour conduire ceulx qui vendroient
aprés eulx. Puis se
deslogerent et s’en
alerent pardevers
Nantes, ou ilz tenoient
que leur adversaire le conte de Mont
fort estoit. Si leur advint ainsi que
le mareschal de l’ost et ses gens trou
verent, en leur voie, une bonne ville
grosse, bien fermee de fosséz et de paliz.
Si l’assaillirent forment. Ceulx de
dedens estoient pou de gens et petitement
arméz: si ne porent deffendre leur ville
contre les assaillans, mesmement
contre les arbalestriers gennevois.
Si fut la ville tantost gaingnee, et
toute robee et bien la moittié arse, et
toutes les gens de la ville mis a l’espee,
dont ce fut pitie et dommage, et
estoit
appellee la ville Quanquefore, et siet
a IIII ou cinq lieues pres de
Nantes.
pb 78 v