lieux messes et en chascune messe sermon,
lesquelz sermons durerent plus de heu
re et demye. Et la leur fut remonsteré par
ces clercs, Freres Meneurs et autres, com
ment ilz se figuroyent au puepple d’Is
rael comment le roy Pharaon d’Egypte
tint longtemps en servitude, et comment
depuis par la grace de Dieu, ilz en furent
delivréz et menéz en terre de promission
par Moÿse et Aaron, et le roy Pharaon
d’Egypte mors et perilz. "Ainsi, bonnes
gens," disoyent ces Freres Prescheurs en
leurs sermons, "estes vous tenuz en servi
tude par vostre seigneur le conte et voz
voysins de Bruges, devant laquelle ville
venuz vous estes, et serés combatus il
n’est mie doubte, car voz annemis en ont
grant voulenté, qui petit craingnent
vostre puissance. Mais ne regardéz pas
cela, car Dieu qui tout puet, scet et con
gnoist, ara mercy de vous, et ne pensséz
point a chose que vous ayéz laissié derrie
re, car vous sçavéz bien qu’il n’y a nul
recouvrier se vous estes desconfis. Ven
déz vous vaillamment et mouréz, se
mourir convient, honnourablement,
et ne vous esbahyssiéz point se grant
puepple yst de Bruges contre vous, car
la vittoire n’est pas ou puepple mais la
ou Dieu veulst et maint par sa grace,
trop de foys on a veü, par les Machabeyens
ou par les Rommains que le petit puep
ple de bonne voulenté et qui se confioit
en la grace de Nostre Seigneur, desconfissoit
le grant puepple, et en ceste querelle
vous avéz bon droit et juste cause par
trop de raysons. Sy en devéz estre plus
hardiz et mieulx confortéz." De celles pa
rolles et de plusieurs autres furent des
Freres Prescheurs ce samedy au matin
les Gantoys preschiéz, dont moult ilz se