Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 108 r | Next
pb 108 rCVIII

Aussi furent ceulx de Rouen et de Pa
ris, se plainement ilz en osassent par
ler. Quant pappe Clement en ot les
nouvelles, il penssa un petit et puis
dist que celle desconfiture avoit esté
une verge de Dieu pour donner exem
ple au conte, et que il luy envoyoit
celle tribulacion pour la cause de ce
que il estoit rebelles a ses oppinions.
Aucuns autres grans seigneurs
disoyent en France et ailleurs que le
conte ne faysoit que un petit a plain
dre, se il avoit a porter et a souffrir.
Car il avoit esté sy presumpcieux
que il ne prisoit ne amoit nul seig
neur voysin que il eust, ne roy de Fran
ce ne autre se il ne lui venoit bien a
point, pourquoy ilz le plaingnoient
mains de ses persecucions. Ainsi ad
vint et que le nottable soit voyrs que
on dist que a celluy a qui il meschiet,
chascun lui mesoffre. Par especial,
ceulx de la ville de Louvain furent trop
resjouyz de la vittoire des Gantoys et de
l’annuy du conte. Car ilz estoient en
different et en dur party envers le
duc Wincellant de Braibant, leur sei
gneur, qui les vouloit guerroyer et
abatre leurs portes, mais ores se ten
dra il un petit mieulx a sa paix. Et di
soyent ainsi en la ville de Louvaing:
"Se Gand nous estoit aussi prouchaine
sans nul entredeux comme Bruxcelles
est, nous serions tout un, eulx avecques
nous et nous avecques eulx." De
toutes leurs devises et leurs parol
les estoient infourméz le duc de Brai
bant et la duchesce, mais il les conve
noit clignier les yeulx et baissier
les testes. Car pas n’estoit heure de
parler.

SHF 2-282 sync Ceulx de Gand, eulx estant a Bruges,
y firent moult de nouvelletéz, et
advisierent que ilz abatroyent au léz de
vers eulx deux portes et les murs, et fe
royent reamplir les fosséz affin que
ceulx de Bruges ne feussent jamaiz re
belles envers eulx, et quant ilz s’en par
tiroyent, ilz emmenroyent cinq cens
hommes bourgoys de Bruges des plus
nottables avecques eulx en la ville de
Gand, parquoy ilz feussent tenuz en plus
grant cremeur et subjeccion. Entremen
tes que ces cappitaines se tenoyent a Bru
ges et que ilz faysoient abatre portes et
murs et reamplir fosséz, ilz envoyerent
a Yppre et a Courtray, a Berghes, a Cassel,
a Propringhe et a Bourbourc et par toutes
les villes et chastelleries de Flandres sus
la marine et du Franc de Bruges, que tous
venissent a obeyssance a eulx et leur
apportassent ou envoyassent les clefs
des villes et des chasteaulx en remons
trant service, a Bruges. Tous obeyrent, ne
nulz n’osa adonc contrester, et vindrent
tous a obeyssance a Bruges a Phelippe d’Arte
velle et a Pietre du Boys. Ces deux se nom
moyent et escripsoyent souverains
cappitaines de tous, et par especial Phelippe.
Cilz estoit qui le plus avant s’enssonnioit
et se chargoit des besoingnes de Flan
dres, et tant que il fut a Bruges il tint
estat de prince. Car tous les jours par
ses menestrelz il faysoit sonner et cor
ner devant son hostel ses disners et ses
souppers, et se faysoit servir en vaisselle
couverte d’argent, ainsi comme s’il feust
conte de Flandres, et bien peust tenir tel
estat. Car il avoit toute la vaisselle du
conte, d’or et d’argent, et tous les joyaulx,
chambres et sommiers qui avoient esté
trouvéz en l’ostel du conte a Bruges, ne pb 108 v