The Online Froissart

Facsimile mode Settings Browse | Collate

pb 112 rCXII

de couraige, lequel a juré que jamaiz
de la ne partira si aura sa voulenté
de ceulx de la ville, se vostre puissance
ne l’en lieve, tant y a il reservé. Et
vous, qu’en dittes? Vouléz vous aydier
vostre cousin de Flandres a reconquerir
son heritaige que les villains par or
gueil et cruaulté lui tollent et effor
cent?" "Par ma foy," respondi le roy, "be
aulx oncles, ouyl. Je en suis en tres
grant voulenté, et pour Dieu que nous
y aillons. Je ne desir autre chose que
moy armer et encores ne m’armay
je oncques, sy me fault il, se je vueil
resner en puissance et en honneur,
apprendre les armes." Ces deux ducx
regarderent l’un l’autre et leur vint
grandement a plaisance la parolle
que le roy avoit respondu. Et dist en
cores le duc de Berry: "Monseigneur,
vous avéz bien parlé et ad ce faire vous
estes tenuz par plusieurs raysons.
On tient la conté de Flandres du de
maine de France, et vous avéz juréz et
nous pour vous a tenir en droit voz
hommes et voz lieges, et aussi le con
te de Flandres est vostre cousin, par quoy
vous lui devéz amour, et puisque
vous en estes en bonne voulenté, ne
vous en ostéz jamaiz, et en parléz ain
si a tous ceulx qui vous en parleront.
Car nous assemblerons hastivement
les prelas et les nobles de vostre roy
aulme et leur remonstrerons vous
present toutes ces choses. Sy parléz
ainsi hault et cler que vous avéz ycy
parlé a nous, et tous dirons: "Nous
avons roy de haulte emprinse et de
bonne voulenté."" "Par ma foy, beaulx
oncles, je vouldroye que ce feust de
main a aler celle part. Car d’ores en a

avant ce sera le plus grant playsir que
je aray que je voyse en Flandres abatre
l’orgueil des Flamens." De ceste parolle
orent les deux ducx grant joye. Adonc
vint la le duc de Bourbon. Si fut appelléz
des deux ducx et lui recorderent toutes
les paroles que vous avéz ouyes, et la
grant voulenté que le roy avoit d’aler
en Flandres, dont le duc de Bourbon ot
grant joye. Sy demourerent les choses
en cest estat, mais le roy escripsi et ses
oncles aussy a tous les seigneurs du
conseil du royaulme de France, que ilz
venissent sus un jour qui assignéz y es
toit, a Compiengne et que la aroit par
lement pour les besoingnes du royaul
me de France. Tous obeyrent, ce fut ray
son, et sachiéz que le roy estoit sy resjouy
de ces nouvelles et sy pensis en bien
que il ne s’en pouoit mettre hors, et di
soit trop souvent que tant de parlemens
pour faire bonne besoingne: "Il me sem
ble que quant on veulst faire et empren
dre aucune besoingne, on ne la doit point
tant demener. Car au detrier on ad
vise ses annemis." Et puis si disoit oul
tre quant on lui mettoit au devant les
perilz qui venir en pouoient: "Ouyl, ouil,
qui oncques riens n’emprinst, riens
n’acheva." Ainsi se devisoit le jeune
roy de France et jangloit a la foiz aux
chevaliers et aux escuiers de sa chambre qui
deléz luy estoyent et qui le servoyent.
Or vous vueil je compter d’un songe
qui luy estoit advenu en celle sayson,
luy estant a Senlis, et sur quoy il s’ordon
na de sa devise du cerf voulant, si com
me je fus adoncques infourméz.
SHF 2-292 sync Advenu estoit point n’avoit long ter
me au jeune roy Charles de France,
entrementes que il sejournoit en la pb 112 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.