voyer tout hors de l’ost et le fist mettre ou
chemin de Tournay. Quant il fut venuz
a Tournay, on lui enseigna l’ostel a l’evesque
de Laon, si se trayst celle part et fist tant que
il vint devant l’evesque et se mist a genoulx
et fist son messaige bien et a point. On lui
demanda des nouvelles d’Audenarde et
de l’ost. Il en respondy ce qu’il en sçavoit, et
lui donna on a disner. Entrementes qu’il dis
noit, il fut tresbien examiné des gens de l’e
vesque, et puis se party. L’evesque de Laon ne
voulst mie ouvrir la lettre sans ses compai
gnons, et quant ilz furent tous troys les
evesques et chevaliers ensemble on ouvry ces
lettres et furent leues a grant loysir, et bien
examinees et considerees. Adonc parlerent
ilz ensemble et dirent: "Ce Phelippe ad ce qu’il mon
stre est plain de grant orgueil et presumpcion,
et petitement ayme la magesté royal de Fran
ce." Lors conseillerent ilz ensemble, et eulx
conseilléz ilz dirent: "Le prevost et les juréz
et les consaulx de Tournay, en laquelle cité
nous sommes, scevent bien que nous avons
envoyé a Phelippe d’Artevelle et aux villes de
Flandres. C’est bon qu’ilz oyent la responce
telle que Phelippe nous a fait." On envoya querir
les prevostz, on ouvry la halle, on sonna
la cloche, tous ceulx du conseil vindrent.
Quant tous furent venuz on leut et releut
par deux ou par trois foiz tout generaulment
ces lettres. Les saiges s’esmerveilloient des pre
sumptieuses parolles que dedens estoyent.
Adonc fut conseillié que la couppie de ces
lettres demourroient a Tournay. A tant
se departy ce conseil et s’en retourna chascun
en son hostel.
SHF 2-305 sync Phelippe d’Artevelle, qui se tenoit a l’ost devant
Audenarde ainsi comme vous savéz, ne se
repentoit mye de ce que durement et poingnam
ment il avoit escript en aucune maniere
aux commissaires du roy de France, mais