Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 118 v | Next
pb 118 v

courrouciéz, ce fut rayson. Sy fist la le
conte au roy, present son conseil, ses com
plaintes bien et a point, et fut bien ouyz
et responduz. Le roy fut conseilléz de res
pondre et dire ainsi: "Contes, vous retour
neréz en Artoys, et briefment nous se
rons a Arras, et la ferés vous vostre devoir,
present les pers de France. Car mieulx
ne pouons nous monstrer que la querelle
est nostre que de approuchier noz annemis."
Le conte se contempta de ceste responce et
se party de Peronne trois jours aprés, et
s’en retourna en Artoys et vint a Hesdin.
Et le roy de France, comme cilz qui de grant
voulenté vouloit venir en Flandres et aba
tre l’orgueil des Flamens, ainsi comme autref
foiz ses predecesseurs avoyent fait, mist
clercs en oeuvre a tous léz et envoya man
demens, lettres, et messaigiers qui s’estan
dirent par toutes les parties de son royaulme
en mandant que tantost et sans delay chascun
venist vers Arras pourveuz au mieulx
que il peust. Car au plaisir de Dieu il vou
loit aler combatre les Flamens en Flandres.
Nulz sires tanans de lui n’osa desobeyr maiz
firent leurs mandemens de leurs gens,
et s’appareillerent et se departirent les lontaings
d’Auvergne, de Rouuergue, de Thoulousain,
de Gascoingne, de Limosin, de Poitou, de Xanc
tonge, de Bretaigne et d’autre part, de Bour
bonnoys, de Forests, de Bourgoingne, de la
Daulphiné, de Savoie, de Lorraine, de Bar
et de toutes les circuités et ainglez de Fran
ce et des tenances, et tous avaloient vers Ar
toys. La se faisoit l’assemblee des gens d’ar
mes si grande et si belle que merveilles se
roit a considerer. SHF 2-309 sync Comment Phelippe d’Artevelle
fist garder les passaiges de Flandres et comment
plusieurs chevaliers françoys furent perduz en
Flandres qui ne pouoient retourner.
Le conte de Flandres, qui se tenoit a Hesdin

et qui tous les jours oyoit nouvelles du
roy de France et du duc de Bourgoingne et du grant
mandement qui se faisoit en France, par
tout Artoys fist une deffence ou plat paÿs
que nulz sur peine de perdre la teste, corps
et avoir, ne retrayst ne ne meist hors
de son hostel en forteresce ne en bonne ville
chose qu’il eust. Car il vouloit que les gens
d’armes feussent aysiéz et serviz de ce
qui estoit ou plat paÿs. Adonc s’en vint
le roy en Arras et la s’arresta, et les gens
d’armes de tous léz venoyent et applouvo
yent tant et sy bien estoffé que ce estoit grant be
aulté du veoir, et se logoyent ainsi comme
ilz venoyent sus le plat paÿs et trouvo
yent les granches toutes plaines et
bien pourveues. Adonc vint le conte
de Flandres a Arras et conjouy grande
ment le roy et les seigneurs qui la esto
ient venuz, et fist la hommaige au roy,
presens les pers qui la estoyent de la
conté d’Artoys et le roy le receut a homme, et
lui dist: "Beaulx cousins, se il plaist a Dieu
et a saint Denis, nous vous remettrons
temprement en l’eritaige de Flandres et
abatrons l’orgueil tellement de ce Phelippe
d’Artevelle et de ces Flamens que jamaiz
n’aurons cure ne poyssance de eulx
reveler." "Monseigneur," dist le conte, "je y ay bien
fiance, et vous y acquerrés tant d’onneur
et de grace que a tous les jours du monde
vous en seréz prisiéz. Car maintenant
voirement est l’orgueil grant en Flandres."
SHF 2-310 sync Phelippe d’Artevelle, lui estant au siege
devant Audenarde, estoit tous in
forméz comment le roy de France vouloit
a puissance venir sur luy. Par semblant
il n’en faisoit compte et disoit a ses gens:
"Mais par ou cuide cilz roitiaulx entrer
en Flandres? Il est encores trop jeunes
d’un an, quant il nous cuide esbahir pb 119 r