The Online Froissart

Facsimile mode Settings Browse | Collate

pb 11 v

y estoit tant crains et tant améz que nulz
ne l’oisoit courroucier. Aussi le conte, qui
estoit saiges et soubtilz, ressoingnoit si la
guerre et le mautallent entre ses gens
et lui, que oncques nulz sires feist plus de
lui, et fut premierement si froiz et si durs
a esmouvoir la guerre que nullement
il ne s’i vouloit bouter. Car bien sentoit
en ses ymaginacions que, quant li diffe
rens seroit entre lui et son païs, il en seroit
plus foibles et moins doubtéz de ses voisins.
¶ Encores ressoingnoit il la guerre
pour un autre cas, quoyque en la fin il
lui convenist prendre, c’est assavoir grans
destructions de mise et de corps et de che
vance, car en son temps il avoit vescu et
regné en prosperité et en grant paix et
eu autant de ses deduis que nulz sires
terriens pouoit avoir eu. Car ces guerres
qui lui sourdirent sus la main commencie
rent par si petite incidence que, au juste
ment considerer, se sens et advis feussent
ou dit seigneur, il n’y deust point avoir eu
de guerre, et pueent dire et pourront ceulz
qui ceste matiere liront ou lire feront, que
ce fut oeuvre de deable. Car vous savéz ou
avéz ouy dire les saiges que le deables soub
tille et atise nuyt et jour a bouter guerre
et hayne la ou il voit paix, et queurt au
long et de petit a petit comment il puist
venir a ses attaintes, et ainsi fut et advint
en Flandres en ce temps, si comme vous
pourrés clerement veoir et congnoistre
par les traittiés de l’ordonnance de la ma
tiere qui s’ensuit.⁴⁸ SHF 2-102 sync La principal cause et
racine de la guerre du conté de Flandres
et des Flamens, et comment les Blans Cha
perons furent mis sus par Jehan Lion.
En ce temps que le conte Loÿs de
Flandres estoit en sa greigneur

prosperité, avoit un bourgois a Gand
qui s’appelloit Jehan Lyon, saige homme,
soubtil, hardi, cruel et entreprenant
et froit au besoing asséz. Cilz Jehan
fut si tresbien du conte qu’il apparut.
Car li contes l’en besoingna de faire
occirre un homme a Gand⁴⁹ qui lui estoit
contraires et desplaissans, et au com
mandement du conte couvertement
Jehan Lyons prist parolles de debat a
cellui et l’occist. Le bourgoys ot grant
plainte de tous. Et pour doubte de ce
il s’en vint demourer a Douay, et la fut
pres de trois ans et tenoit bon estat et
grant et tout paioit le conte. Pour
celle occasion Jehan Lyon en la ville
de Gand perdy un jour tout ce que il
y avoit, et fut bannis de la ville de Gand
XL ans. Depuis le conte de Flandres ex
ploitta tant que il luy fist paix avoir
a partie et ravoir la ville de Gand, et
la franchise ce que on n’avoit oncques
veü. Dont pluseurs gens en Gand et
en Flandres furent moult merveilléz,
mais ainsi fut et advint. Avecques
tout ce le conte, pour le recouvrer en
chevance et pour tenir son estat, le
fist doyen des naieurs. Cilz offices
lui pouoit bien valoir M livres l’an,
a aler droitturierement avant. Cilz
Jehan Lyon estoit si tresbien du conte
que nulz mieulx de lui. ¶ En ce temps
avoit un autre lignage a Gand que
on appelloit les Mahieux, et estoient
cilz sept freres et les plus grans de
tous les nayeurs. Entre ces sept fre
res en y avoit un qui s’appelloit Gise
brest Mahieu, riche homme, saige et soub
til et entreprenant grandement
trop plus que nulz de ses freres. Cilz pb 12 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.