The Online Froissart

Facsimile mode Settings Browse | Collate

pb 12 v

oncques n’en fut si bien que il en sera mal,
quoy que je dye ne monstre en ce parlement. "
¶Quant il vous requerra de ce, si le de
batés, et je me faindray et diray et main
terray a monseigneur que, se Jehans Lyons
vouloit et se loyaulment s’en acquitast,
ceste ordonnance se feroit. Je congnois
bien monseigneur de tant, ançois que
il n’en viengne a son entente, Jehan Lyon
perdra toute sa grace et lui ostera son of
fice et me sera donnéz, et quant je l’aray,
vous l’accorderés, nous sommes fors et
puissant en celle ville entre les maieurs,
nulz ne nous contredira noz voulentéz,
et puis de petit en petit je menray tel
Jehan Lyon que il sera tout ruéz jus, ainsi
en serons nous vengiéz soubtillement
et sans coup ferir. Tous si frere s’i accorde
rent. Ly parlemens vint, ly maieurs fu
rent tous appareilléz et la remonstrerent
Jehan Lyon et Ghisebrest Mahieu la vou
lenté du conte et de ce nouvel estatut
que il vouloit eslever sus le navire du
Lis et de l’Estant, la quelle chose sembla
a tous trop dure et trop nouvelle, et
especialment les six freres Ghisebrest
tous d’une oppinion y estoient plus durs
et plus contraire que tous ly autre, dont
Jehan Lyon, qui tous souverain estoit d’i
ceulx et qui les vouloit tenir a son loyal
pouoir aux franchises anciennes,
en estoit touz liéz et cuidoit que ce
feust pour lui, et c’estoit contre lui du tout.
SHF 2-103 sync Jehan Lyon rapporta au conte la
response des navieurs et lui dist:
"Monseigneur, c’est une chose qui nulle
ment ne se puet faire, et dont uns trop
grans maulx pourroit venir. Laissiés
les choses en leur estat ancien et ne faites
riens de nouvel." Ceste responce ne pleust
mie bien au conte. Car il veoit que, de ce

la eslever dont il estoit informéz, il pouoit
tous les ans avoir six ou sept mille
flourins de prouffit, si se teust adonc,
et pour ce ne pensa il mie moins et
fist soingneusement porsuir par pa
rolles et traittiéz ces navieurs, lesquelx
Jehan Lyon trouvoit tous rebelles, d’autre
part Gisebrest Mahieu venoit au conte
et a son conseil et disoit que Jehan Lyon
s’acquittoit trop mollement en ceste
besoingne et que, se il avoit son office,
il feroit tant a tous les navieurs que
le conte de Flandres aroit heritablement
ce prouffit. Le conte, qui ne veoit mie
bien cler, car la convoitise de la chevance
l’aveuglissoit, ot conseil, et de lui mes
mes il osta Jehan Lyon de son office et y
mist Ghisebrest Mahieu. Quant Ghi
sebrest fut doyens des navieurs, il
tourna tous ses freres a sa voulenté
et fist venir le conte a son entente
et a ce prouffit, dont il n’estoit mie
le mieulx améz de la greigneur partie
des navieurs, mais il leur couvenoit
souffrir. Car les sept freres estoient
trop grant avecques l’ayde du conte.
Si les couvenoit taire et souffrir. Ainsi
vint par soultive voye Ghisebrest Ma
hieu en la grace et amour du conte,
et Jehan Lyon en fut du tout privéz
et ostéz, et donnoit Ghisebrest Mahieu
aux chambellans et officiers du conte
grans dons et beaulx joyaulx, par
quoy il avoit l’amour d’eulx, et aussi
au conte, dont il l’aveugloit tout. Et
tous ces dons et ces presens faisoit
il paier aux navieurs, dont les plu
sieurs ne s’en comptentoyent mye trop
bien, mais ilz n’osoient mot sonner.
Jehan Lyon, qui estoit tout hors de la
grace et de l’amour du conte, se tenoit pb 13 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.