noit les heures, un des plus beaulx que on
sceust dela la mer ne deça la mer, et le
fist mettre tout par membres et pieces
sus un char et la cloche aussi, lequel orlo
ge fut admenéz et chargiéz en la ville
de Digon en Bourgoingne, et la fut remis
et assis, et y sonnent les heures XXIIII
entre nuit et jour.
SHF 2-350 sync Au departement du roy de la ville de
Courtray, elle fut mallement me
nee, car on l’ardi et destruisi sans deport
et emmenerent par maniere de servai
ge plusieurs chevaliers et escuiers et gens
d’armes, des beaulx enffans, filz et filles,
et grant foyson, et chevaucha le roy et vint
a Tournay. On luy fist grant reverence,
ce fut rayson, et se loga en l’abbaye de Saint
Martin, et furent toutes les gens de la
ville vestus de blanc a trois bastons vers
d’un léz, et fut la cité partie pour le logier
les seigneurs. Le roy fut a Saint Martin
et comprennoient ses gens un quart
de la ville. ¶ Le duc de Berry a l’ostel de l’e
vesque, le duc de Bourgoingne a la Teste
d’Or, le duc de Bourbon a la Couronne d’Or,
le connestable au Chief Saint Jaques. Et
fut crié depar le roy et sur la hart que
nul ne forfeist riens aux bonnes gens
de Tournay et que on ne preyst riens sans
payer et que nulz n’entrast en la conté de
Haynault pour mal faire. Toutes ces cho
ses furent bien tenues. La se rafreschirent
ces seigneurs et leurs gens, et les long
taings se departirent et s’en retournerent
par Lisle, par Douay, et par Vallenciennes
en leurs lieux. Le conte de Bloys prist con
gié au roy et a ses oncles et a son compaig
non le conte d’Eu, et s’en retourna sus son
heritaige en Haynault et se loga en Valen
ciennes un jour et une nuit, ou on le receut
grandement et lieement. Car il avoit con