tes gens avoient grant pitié, mais ilz
n’en osoient parler. La fut il admenéz
ou marchié des halles et la devant luy
tous premiers furent decollés ceulx
qui en sa compaignie estoient, et en y ot
un que on nommoit Nicolas le Flament,
un drappier, pour qui on offroit pour
luy sauver sa vie LXM frans, mais il
mourut. Quant on vint pour decoler
maistre Jehan des Marés, on luy dist:
"Maistre Jehan des Marés, criéz mercy
au roy qu’il vous pardonnoit voz forfaiz."
Dont retourna il et dist: "J’ay servy au
roy Phelippe son temps et au roy Jehan, son ta
yon, et au roy Charles, son pere, bien et loy
aulment, ne oncques ces troys roys ne
me sceurent que demander et aussi ne
feroit celluy cy, s’il avoit aage et cong
noissance d’omme, et cuide bien que de
mon jugié il ne soit en riens coulpable.
Si ne luy ay que faire de crier mercy,
mais a Dieu vueil je crier mercy et non
a autre, et Luy prie bonnement qu’Il me
pardonne mes forfaiz." Adonc prist il
congié au puepple, donc la greigneur
partie pour luy plouroit. En cel estat
mourut maistre Jehan des Marés.
SHF 2-355 sync Pareillement en la cité de Rouen
pour maistrier la ville, en y ot
aucuns executéz et plusieurs reançonnéz, aussi
et a Rems, a Chaalons, a Troyes, a
Sens et a Orliens et furent les villes
tauxees a grans sommes de flourins
pour tant qu’ilz avoyent au commance
ment desobey au roy. Et furent levé en
celle sayson parmy le royaulme de France
si grans sommes de flourins que mer
veilles seroit du dire, et toutes aloient
au prouffit du duc de Berry et du duc
de Bourgoingne. Car le jeunes roy estoit
en leur gouvernement. Au voir dire, le pb 141 v