glesche. Or ouvrerent les Angloys
autrement, car ilz orent conseil d’aler
devant Bourbourc et de prandre la ville
et puis venir devers Ayre et devers
Cassel et de conquerir tout le paÿs et
riens laissier derriere qui leur feust
contraire ou annemy et puis venir
devant Yppre. Ilz avoient entencion
que la ville d’Yppre se rendroit tantost
quant ilz verroyent le paÿs rendu. Lors
se departirent les Anglois de Dunequer
que quant ilz en orent fait leur voulen
té et vindrent devers Bourbourc. Quant
ceulx de Bourbourc les sentirent ap
prouchier, ilz furent sy effrayéz que
tantost ilz se rendirent sauvez leurs
vies et leurs biens. Ainsi furent ilz pris,
et entrerent en la ville et en orent grant
joye. Car ilz dirent que ilz en feroyent
une belle garnison pour guerroyer et
herier ceulx de Saint Omer et des frontie
res prouchaines. Aprés ce ilz prinstrent
le chastel de Driceham et furent trois jours
devant ainçoys qu’ilz le peussent avoir
et l’orent par force, et y ot mort plus de
deux cens hommes qui la se tenoyent en
garnison. Sy le remparerent les Anglois
et distrent qu’ilz le tendroient a leur loy
al pouoir et le refreschiroyent de nou
velles gens et puis chevauchierent
oultre et vindrent a Cassel et prindrent
la ville et la orent grant pillaige et la
repourveyrent de leurs gens et puis s’en
partirent et distrent qu’ilz vouloyent
venir veoir la ville de d’Aire, mais bien sa
voient les plusieurs qui la congnoisso
yent qu’elle n’estoit pas a prendre ne a
assaillir et que trop leur cousteroit. Tou
teffoiz l’evesque de Nordvich dist qu’il
la vouloit veoir de pres. SHF 2-372 sync Comment les
Angloys conquistrent tout le paÿs en pb 148 v