Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 15 r | Next
pb 15 rXV

eust guerroyéz, travailléz, hariéz et
proposé pour avoir le nostre, et, se a pre
sent il est fourconseiliéz ou informéz
contre nous et les franchises de la
bonne ville de Gand et que ceulx soient
mieulx en sa grace que nous ne soions,
aussi comme il appert par les fossoy
eurs, lui estant a Bruges, qui sont ve
nus pour brisier nostre heritaige et tollir
nostre riviere dont nostre bonne ville de
Gand seroit defaite et perdue et que
il veult faire a faire, si comme renom
mee cuert, un chastel a Donse a l’en
contre de nous pour nous tenir
en dongier et en foiblece et que ceulz
de Bruges lui promettent et ont
promis du temps passé, cela sça
vons nous tout clerement, que, se
ilz avoient l’aisement et le cours
de la riviere du Lis, ilz lui donroyent
par an X ou XII mille franc, je
dis et conseille que la bonne ville
de Gand envoye pardevers lui sai
ges hommes bien advisiéz et en
doctrinéz de parleure, qui lui re
monstreront hardiement et par
advis toutes ces choses, tant du
bourgoys de Gand qui est en sa pri
son a Erclo que son baillif ne veult
rendre, que autres choses advenues
dont la bonne ville de Gand ne se
contente mie bien, et incidences qui
tous les jours advenir pueent, et
ces choses oyes lui dient que il ne pense
mie ne ses consaulx que nous soyons
si mors que, se besoings est, nous ne
puissons et ne nous voulons resister,
et, ces responses ouyes, la bonne de
Gand ara advis de pugnir le meffait
sus ceulz qui seront trouvéz coulpa
ble envers lui52." Quant Jehan Lyon
ot remonstré ceste parolle en la place

que on dit ou marchié des denrees, chascuns
dist: "Il dist bien!" Adonc se retraist chascun
en sa maison. A ces parolles que Jehan Lyon
avoit remonstrees, cil Ghisebrest Ma
hieu n’avoit point esté. Car ja doubtoit
il les Blancs Chapperons, mais Estienne
nart, ses freres, y fut, qui tousjours sor
tissoit leur temps a venir. Si dist, quant
il fust revenus: "Je le vous disoie bien et
ay tousjours dit, par Dieu, Jehan Lyon nous
destruira tous. A malheur fut quant
vous ne m’en laissastes convenir. Car
se je l’eusse occis, j’en feusse trop legiere
ment venus au dessus. Or n’est il pas
en nostre puissance que nous le puissons
ne osons nuire, il est plus fors en la ville
que le conte n’y est." Gisebrest respondi
et dist: "Tés toy, sotereaulx. Quant je voul
dray bien a certes, avecques la poissance
de monseigneur, tous ces Blancs Chappe
rons seront ruéz jus, et telz les portent
maintenant, qui temprement n’ara
que faire de chapperon."
SHF 2-107 sync Or furent enchargié, endittié et
ordonné pour aler en messaige
devers le conte aucun saige et nota
ble homme de la ville de Gand, et me sem
ble que Ghisebrest Mahieu, doyen des
navieurs, fut un de ceulz qui y furent
esleu d’aler, pour tant que il estoit bien
du conte, et ce bout lui donna Jehan Lyons
tout par cautelle affin que, se ilz rappor
toient riens de contraire contre les fran
chises de Gand, il en feust plus demandéz
que ly autre. Ilz se partirent et trouverent
le conte a Malle. Je ne sçay mie comment
il les receut, ou bellement ou laidement,
mais finablement ilz accorderent si bien
que le conte leur accorda toutes leurs
requestes, du bourgoys prisonnier que
on tenoit a Erclo rendre a ceulz de Gand,
de vouloir tenir les franchises de Gand pb 15 v