Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 160 r | Next
pb 160 rC LX

fist il le conte de Savoye. Sy se retrayst
chascun sire en son lieu et s’en revint le
roy de France. Et le duc de Bourgoingne
demoura encores en Flandres un petit
deléz le conte son grant seigneur pour
mettre les besoingnes en bon point, et
se tenoyent a Saint Omer. Le sire de Torcy
normant et plusieurs autres chevaliers et
escuiers de Pontieu et de Vismeu et de
Picardie entrerent en Gravelines quant
les Angloys l’eurent laissié et le rem
parerent et fortiffierent tresgrande
ment et en firent frontiere contre la
garnison de Calais et sy se repueppla
petit a petit le paÿs de Furnes, de Dune
querque, de Disquemue et du Neuf
port, lesquelz avoyent tout perdu en cel
le sayson, mais ilz se remistrent a recon
querir du nouvel.
SHF 2-400 sync Vous pouéz croirre et devéz savoir
que le duc de Lancastre ne fut mie
courroucié de ceste armee de l’evesque
de Nordvich qui mal s’estoit portéz et
qui s’estoit ainsi desrompus, car par
eulx avoit il perdu son fait et son voy
aige en Espaigne et en Portingal.
Quant ces chevaliers d’Angleterre furent
retournéz ens ou paÿs ilz furent ac
cueilliz du commun et leur fut dit que
mal ilz s’estoyent acquittié de leur
voyaige, quant selon le bel comman
cement qu’ilz avoyent eu en Flandres
ilz n’avoyent conquis tout le paÿs. Et
par especial en estoient plus deman
déz messire Thomas Trivéz et messire
Guillaume Helmon que les autres
car messire Hue de Cavrellee n’en es
toit de riens ne du conseil du roy ne du
commun en riens demandéz, car on
sçavoit bien et avoit on sceu que se on
l’eust creü de commancement, ilz eus

sent mieulx exploittié et a leur honneur.
Et leur mettoit on sus qu’ilz avoyent ven
du Bourbourc et Gravelines au roy de Fran
ce, dont toute Angleterre fut esmeue sur
eulx et en furent en peril d’estre mort. Sy
fut commandé depar le roy a deux chevaliers
dessus nommés de aler tenir prison ou
chastel de Londres et ilz y alerent. En
ce temps qu’ilz tindrent prison Angleter
re se rapaysa, et quant ilz furent delivréz
ilz se oubligierent a demourer en la vou
lenté du roy et de son conseil. Adonc
furent traittiéz et mis avant pour pran
dre unes trieves entre les Angloys et les
Françoys et estoient ceulx de Gand en la
trieve dont grandement desplaisoit au
conte de Flandres mais admender ne le
pouoit.
SHF 2-401 sync Au departement de Bourbourc demoura
le duc de Bretaigne deléz le conte de Flan
dres son cousin en la ville de Saint Omer, et
eust voulentiers veü que une bonne paix
ou unes longues trieves feussent adre
ciees entre le roy de France son naturel
et souverain seigneur, et le roy d’Angleter
re, et pour entamer ceste matiere, il en a
voit parlé a aucuns chevaliers d’Angleterre le
lundi qu’ilz vindrent en la tente du roy
de France devant Bourbourc. Lesquelz che
valliers angloys a la priere du duc s’en es
toyent chargiéz et avoyent respondu que
eulx venuz en Angleterre, ilz en parleroient
au roy et a ses oncles et a leurs consaulx.
Et pour mieulx monstrer que la besoin
gne luy estoit plaisant, il envoya en An
gleterre deux de ses chevaliers sus bonnes asse
urances, le seigneur de la Houssoye et le
seigneur de Mailly, lesquelz exploittierent
si bien que le duc de Lancastre et le conte
de Bouquighem son frere et l’evesque de
Harfort, messire Jehan de Hollandes, frere pb 160 v