The Online Froissart

Facsimile mode Settings Browse | Collate

pb 16 r XVI

Depuis ne demora gai
res que le baillif vint a Gand
atout bien IIC chevaulx
pour faire ce que ordonnéz lui
estoit. Le baillif s’en vint
tout fendant les rues atout ses gens,
tenans la baniere du conte, jusques
ou marchié des denrees⁵⁴ et la s’arresta.
¶ Tantost se trairent celle part les
Mahieux et estoit ordonnéz qu’ilz devoi
ent aler prendre en sa maison Jehan
Lyon et le doyen des Blans Chapperons
avec six ou sept de leur accord pour
coper les testes. ¶ Jehan Lyon, qui
n’en pensoit pas moins et qui avoit
ses espies a ce ordonnees, sçot bien la ve
nue du baillif et vit bien que c’estoit a certes.
Aussy firent tous ceulx qui portoient
blans chapperons, si que tous pour
veus de leurs fais et de bons advis, se
mistrent tous ensemble devers l’o
stel Jehan Lyon, qui les attendoit, et quant tous
furent assembléz, ilz furent bien IIIIC.
Jehan Lyon se party plus fiers que un
lyon et dist: "Alons, alons sus les tray
teurs qui veullent la bonne ville de
Gand trahir. Je pensoye bien que toutes
ses doulces parolles que Ghisebrest
Mahieu nous rapporta l’autre jour,
ce n’estoit que decevance et destruction
pour nous, mais je leur feray compa
rer." Adonc s’en vint il et sa route le
grant pas et tousjours lui croissoient
gens, car telz n’avoient mie encores
blancs chapperons, qui se boutoient
par faveur en sa compaignie et crioient:
"Trahy! trahy!" Et vindrent autour par
une estroite rue ens ou marchié des
denrees, ou le baillif de Gand, qui re
presentoit la personne du conte, estoit,
la baniere du conte devant lui et la
banniere des navieurs, et la banniere
des mevuz mestiers. Aussitretost que

Ghisebrest Mahieu et ses freres virent en
trer ou marchié Jehan Lyon et les Blancs
Chapperons, ilz laissierent le baillif, et
se desroterent et s’enfouirent chascuns qui
mieulx mieulx, l’un ça, l’autre la, et les
plusieurs des autres aussi, ne nulz ne
tint arroy ne ordonnance fors que ceulz
que le baillif avoit admenéz. Asséz tost
aprés que Jehan Lyon fut venus sur la
place, le doyen des Blancs Chapperons et
une grosse route de eulz se trayerent vers
le baillif et sans sonner mot, il fut pris
et aterréz et la fut presentement occis et la
baniere du conte ruee par terre et toute
despecee, ne oncques a homme qui la
feust, ilz n’atoucherent fors que seullement
au baillif, et puis se remistrent deléz
Jehan Lyon tout ensemble. Les gens du conte,
quant ilz virent leur cappitaine le baillif
aterré et mort, et la banniere du conte
toute dessiree, furent tous esbahys et aussi
que gens desconfis, tantost s’enfouirent
et s’espardirent et monterent sur leurs
chevaulx au plus appertement qu’ilz po
rent, et vuiderent la ville de Gand et prin
drent les champs.
SHF 2-109 sync Vous devéz savoir que les enffans
sire Mahieu Ghisebrest et ses freres,
qui se sentoient forfais envers Jehan Lyon
et ennemy a lui et aux Blancs Chapperons,
ne furent mie bien asseuréz en leurs
maisons, mais se departirent au plus
tost qu’ilz peurent, les uns par devant, les
autres par derriere, et vuiderent la ville
de Gand et laissierent femmes et enfans
et heritaiges et se trayerent au plus tost
qu’ilz porent devers le conte de Flandres,
au quel ilz recorderent ceste adventure
et de son baillif, qui mors estoit, et sa ban
niere toute dessiree. Le conte de ces nou
velles fut durement courrouciéz et a
bonne cause, car on lui avoit fait trop
grant despit et dit adoncques et jura pb 16 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.