entre le roy de France et le roy d’Angleterre
comme le roy Jehan de Castille et celluy
de Portingal, car la estoit la guerre re
nouvellee. Et estoit madame d’Anjou qui
s’escripsoit royne de Napples et de Jherusalem
venue en Avignon deléz le pappe et tenoit
son hostel, et son filz Loÿs avecques elle
qui s’appelloyt roy de Secille que son pere
avoit conquis et avoit entencion la
royne de faire guerre en Prouvence se
ses Prouvenceaulx ne la recongnois
soyent a dame et venoyent en son obeys
sance, et ja estoit messire Bernard de
la Salle entréz en Prouvence et y faisoit
guerre pour elle. Et se tenoit pour le
temps le sire de Coucy en Avignon, car
bien XV sepmaines y fut au lit d’une
cheure de cheval dont il fut durement
mesaisiéz. Quant il fut regaris, il visi
toit souvent la royne et la reconfortoit
ainsi que bien faire le savoit et attendoit
la royne le duc de Berry qui s’estoit mis
au chemin et s’en venoit en Avignon pour
parler au pappe et pour aydier sa belle
suer la royne, car le roy de France et ses
oncles envoioyent en Prouvence messire
Loÿs de Sanceurre mareschal de France
atout cinq cens hommes d’armes pour
guerroyer les Prouvençaulx s’ilz ne ve
noyent a recongnoissance et abbeyssan
ce. Les aucuns y estoyent venuz et non pas
tous, mais touteffoiz la cité de Marceille
et la greigneur partie de Prouvence
se rendoyent a la royne, mais la cité
de Aiz en Prouvence et Tarrascon et
aucuns chevaliers du paÿs ne se vouloyent
rendre, car ilz disoyent qu’elle n’y avoit
nul droit de challengier et demander la
duchié de Prouvence jusques adonc qu’el
le seroit paisiblement receue a dame, et son
filz receuz a roy de Puille, de Calabre, de