faisoyent plus de soulas que tous le
demourant d’Escoce. Encores y ot pis
et une trop grant durté pour les Françoys,
car quant ilz furent venuz en Escoce
et ilz se vouldrent monter ilz trouve
rent les chevaulx si chiers que ce qui
ne deust valoir que dix flourins, il en
valloit LX ou C. Encores a grant peine
en pouoit on recouvrer, et quant on
estoit monté, on ne trouvoit point de
harnoit s’ilz ne l’avoient fait venir a
vecques eulx de France. ¶ En ce dan
gier se trouvoient les Françoys et
oultre quant leurs varléz aloyent
en fourraige pour fourragier, on leur
laissoit bien chargier leurs cheva
ulx de tout ce qu’ilz vouloient pren
dre et trousser, mais au retour on
les attendoit sus un pas ou ilz estoient
villainement destrousséz et batus et
souvent occis, et tant que nul var
let n’osoit aler fourragier pour la
cremeur d’estre mors, car sur un mois
les Françoys perdirent plus de cent
varléz, car quant ilz alloient en four
raige trois ou quatre ensemble, nulz
n’en retournoit. Ainsi estoyent ilz
menéz, et avecques tout ce le roy d’Es
coce faisoit dangier de traire avant,
aussi fayseyent chevaliers et escuiers d’Escoce
pour la cause de ce que ilz disoient que
ilz ne vouloyent point celle sayson faire
de guerre aux Angloys affin que ilz fe
ussent priéz et achatéz bien et chier. Et
comment avant que le roy voulsist ys
sir de la Sauvaige Escoce et venir en Hain
debourc que il eust une grande somme
de flourins pour luy et pour ses gens,
et promist et seella messire Jehan de Vien
ne qui estoit la souverain chief de tous
que point il ne vuideroit du paÿs si seroient pb 176 bis v