et les trois duchesces et leurs enffans et le
sire de la Riviere et messire Guy de la Trimouil
le et le sire de Coucy, car le duc de Berry l’en
avoit un petit devant envoyé environ la
Saint Jehan et de ce parlé en Avignon, sy
estoit la venuz en grant haste, pour quoy
ces seigneurs et ces dames estoyent la
assembléz. Mais a peines pouoit dormir
le roy pour fain de veoir celle qui puis fut
sa femme, et demandoit au seigneur de
la Riviere: "Et quant la verray je ?" De ces
parolles avoient les dames bon ris. Le ven
dredi quant la jeune dame fut paree et
ordonnee ainsi comme a elle appartenoit,
les trois duchesces l’amenerent devant
le roy. Quant elle fut devant le roy elle
s’agenouilla devant le roy tout bas. Le
roy vint vers elle et la prinst par la main
et la fist lever et la regarda de grant ma
niere. En ce regard plaisance et amour
luy entra ou cuer, car il la vit belle et
jeune et sy avoit grant desir du veoir
et de l’avoir. Adonc dist le connestable
de France au seigneur de Coucy et au sei
gneur de la Riviere: "Ceste dame nous
demourra, le roy n’en puet oster ses
yeux." Adonc commencierent a parler
ces dames et ces seigneurs ensemble
et la jeune dame estant toute quoye et
ne mouvoit oeuil ne bouche, et aussi a
ce jour elle ne savoit point de françoys.
Quant on ot la esté une espace, les dames
prindrent congié au roy et se retrayrent
et ramenerent leur fille et retourna en
la compaignie de madame de Haynault
et de sa fille d’Ostrevant. Encores ne sa
voit on point l’entencion du roy mais
on la sceut tanttost, car le duc de Bour
goingne en charga le sire de la Riviere
quant le roy feust retrait que il en par
last et luy demandast quelle chose il lui