The Online Froissart

Facsimile mode Settings Browse | Collate

pb 18 v

tant que je en aray desquelx que je voul
dray, et tous les feray decoler, ne nulz
n’y sera pris a mercy." Cilz bourgoys,
qui estoient moult esbahys et moult
courrouciéz de ces nouvelles, comme
ceulz qui nulle coulpe n’y avoient, se
commencierent a eulx excuser et a
excuser les bonnes gens de Gand, mais
excusance n’y valoit riens. Car li contes
estoit si courrouciéz et tant que il n’en
vouloit nulles ouyr. On les fist partir
de sa presence et monterent a cheval et
retournerent a Gand et recorderent
comment ilz avoient bien exploittié
et feussent venuz a paix et a appointe
ment envers le conte, se cilz deables
de chastel n’eust esté ars. Oultre le conte
les menaçoit grandement et leur man
doit que jamaiz paix n’aroient. Si en
aroit le conte tant a sa voulenté que
bien lui souffiroit. Les bonnes gens de
la ville veoyent bien que les choses aloi
ent mal, et que ly Blanc Chapperon
avoyent tout honny, mais il n’y avoit
si hardy qui en osast parler. Le conte
de Flandres se party de Malle, et s’en
vint, lui et tous les gens de son hostel,
a Lisle et la se loga. Et manda la tous
les chevaliers de Flandres et les gentilzhom
mes qui de lui tenoyent, pour avoir
conseil comment il se pourroit main
tenir de ses besoingnes et contreven
gier de ceulz de Gand, qui lui avoient
fait tant de despiz. Tous les gentilz
hommes de Flandres lui jurerent a
estre bons et loyaulx ainsi que on doit
estre a son seigneur sans nul moyen,
de ce fust li conte grandement resjouiz.
Si envoya gens par tous ses chaste
aulx, a Terremonde, a Ripeumonde,

a Alos, a Gauvre, a Audenarde et par
tout fist grandes garnisons. SHF 2-114 sync Com
ment il parle cy de la mort de Jehan
Lyon et des capitaines que les Gan
toys eslurent et des bonnes villes
de Flandres qui s’alierent a ceulx
de Gand encontre le conte et cetera.
Or fu trop grandement resjouiz
Jehan Lyon quant il vit que le
conte de Flandres vouloit ouvrer
a certes et que il estoit si enfelonniz
que ceulz de Gand ne pourroient
venir a paix et que il avoit par ses
soubtilz ars boutee la ville de Gand
si avant en la guerre, que il couve
noit, voulsissent ou non, que ilz
guerroyassent. ¶ Adonc dist il tout
hault: "Seigneurs, vous voiéz et en
tendéz comment nostre sire le conte
se pourvoit contre nous, et ne nous
veult recuellir a paix. Si loue et
conseille pour le mieulx que ançoys
que nous soyons plus grevé ne ap
pressé, nous saichons lesquelx de Flan
drez demourront deléz nous. Je res
pons pour ceulx de Grammont,
ilz ne nous feront nul contraire,
maiz seront voulentiers deléz nous.
Aussi seront ceulz de Courtray. Car
c’est en nostre chastellerie, et si est Cour
tray nostre chambre. Maiz veéz la ceulz
de Bruges, qui sont grant et orgueil
leux et par eulx toute ceste fellonnie
est esmeue. Si est bon que nous alions
devers eulx, et si fort que bellement
ou laidement, ilz soyent de nostre accord."
Chascun respondi: "Il est bon, il est bon."
Adonc furent ordonnéz par proces
de temps tout ceulx qui yroient en
ceste legacion, si se ordonnerent et pb 19 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.