pour le dit commun de tout le paÿs, pour
eschiver toutes discencions qui d’ores en
avant s’en pueent ensuivre, de nostre grace,
pour amour et contemplacion de noz bons
subgiéz, avons ordonné sur les dittes
supplicacions par la maniere qui s’enssuit.
Premierement, sur ce qu’ilz nous ont sup
plié que nous voulsissions confermer les
previlieges des villes de Courtray, d’Aude
narde, de Grantmont, Meule, Tenremonde,
Ruplemonde, Alost, Hast, Axcle, Breveliéz,
Donse et des chastelleries et plat paÿs d’y
celles villes, nous avons ordonné que
les habitans d’icelles villes venront par
devers nous et nous apporteront leurs
diz previleges, lesquelz nous ferons veoir
par les gens de nostre conseil, et yceulx veüz,
nous en ferons tant que tous noz diz bons
subgiéz tous de Gand et ceulx des bonnes
villes, en devront par rayson estre comp
tens. Et se aucuns des diz previleges esto
ient perduz par cas de fortune ou autre
ment, nous en ferons faire bonne infour
macion, et ycelle veue, y pourverrons com
me dit est. Item, sur ce qu’ilz nous ont sup
plié du fait de la marchandise, avons vou
lu et consentu que la marchandise ait cours
par nostre paÿs de Flandres en payant les
deniers acoustuméz. Item, sur ce qu’ilz sup
plient que se aucuns des habitans de nostre
ditte ville de Gand ou de leurs complices es
toient arrestéz ou temps a venir, en aucuns
paÿs hors de nostre dit paÿs de Flandres, pour
occasion des debas et discencions dessus
diz, que d’icelles feyssions eulx tenir pay
sibles, et nous leur avons ottroyé que se
aucuns d’eulx estoient arrestéz comme
dit est, nous les ayderions, deffendrions, et
conforterions de nostre pouoir contre tous
ceulx qui par voye de fait les vouldroient pb 198 v