prist sa hache en sa main. ¶ Quant ceulz
qui gardoyent le pas, qui n’estoient point
si fors adonc, comme ilz virent la les
Gantoys venus en couvenant pour
assaillir, si furent tous effraiéz et s’en
alerent les aucun parmy les grans
rues jusques au marchié criant: "Veéz
les cy! Veéz les cy, les Gantoys! Or tost
aux deffenses! ilz sont ja devant noz
portez." Ceulz de Bruges qui se assembloient
ou marchié pour eulx conseillier tous
effrayéz et n’eurent les grans maistres
nul loysir de parler ensemble ne de
ordonner nulles de leurs besoingnes,
et vouloient la greigneur partie de la
communaulté que tantost on leur alast
ouvrir les portes. Ilz couvint que ce con
seil feust tenuz, autrement la chose eust
mal alé sur les riches hommes de la
ville, et s’en vindrent ly bruguemestre
et tous les eschevins et moult d’autre
peuple a la porte ou les Gantoys estoient,
qui trop grant apparance d’asaillir fai
soient. Li bruguemestre et les seigneurs
de Bruges qui l’avoient a gouverner
pour ce jour, firent ouvrir le guichet
et vindrent parlementer a Jehan Lyon.
En ce parlement ilz furent si bien d’ac
cord que par grant amour on leur ou
vry les bailles et la porte et entrerent
tous dedens et chevauchoit Jehan Lyon
deléz le bruguemestre, qui bien sem
bloit et se monstroit a estre hardiz et
oultragieux homs et toutes ses gens
arméz au cler et le suivoyent par
derrieres. Et fut adonc tresbelle chose
de eulz veoir entrer par ordonnance
en Bruges et s’en vindrent ens ou mar
chié, et ainsi comme ilz venoyent, ilz
s’ordonnoyent et rengoyent sus la pla
ce. Si tenoit Jehan Lyon un blanc baston pb 19 v