en sa main.
SHF 2-115 sync Entre ceulz de Gand et de Bruges fu
rent la faittes aliances jurees et
commenciees que ilz devoient tousjours
demourer ly un deléz l’autre ainsi comme
bon amy et voysin, et les pouoient ceulz
de Gand semondre et mander, avoir et
mener avecques eulz partout ou ilz
vouloient aler. Asséz tost aprés que les
Gantoys furent venuz et rengiéz sur
le marchié, Jehan Lyon et aucuns capitaines
de ses gens monterent hault en la
halle et la fist on un banc depar la
bonne ville de Gand et un commande
ment que chascun se trayst bellement a son
hostel et doulcement et se desarmast
et ne feist noise ne esmouvement sus
peine de la teste perdre, et chascun selon
ceste ordonnance feist son enseigne a
son hostel et que nulz ne se logast l’un
sus l’autre ne ne fesist noyse au logier
ne le maistre, par quoy tençon ne estrif
peussent mouvoir sur la teste, et que
nulz ne prensist riens de l’autruy que
il ne la payast tantost et sans delay,
et tout sus la teste. Ce ban fait, on en fist
un autre depar la ville de Bruges que
chascuns et chascune receust bellement
et doulcement en ses hostelz les bonnes
gens de Gand et que on leur administrast
vivres et pourveances selon le fuer com
mun de la ville ne nulle chose ne feust
rencherie ne que nulz n’esmeust noyse,
debat ne esmeuvement et toutes ces
choses sus la teste. Adonc se retrayrent
chascun es hostelz et furent en cel estat ceulz
de Gand en Bruges moult amyablement
II jours et se logierent et obligierent s’a
lierent ly un a l’autre moult grandement.
Ces obligacions prises et faittes, escriptes