Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 205 v | Next
pb 205 v

et manda ou païs de Berne et en la Haulte
Gascoigne grant foison de compaignons
aventureux pour aidier a faire la guerre;
et se bouterent la dedens moult d’apertes
gens aux armes. Et estoient VI capitai
nes avecques lui, et chascun avoit cinquan
te lances49 ou plus dessoubz lui. Tout pre
mier son frere Jehan de Berne, un moult
appert escuier, Pierre d’Auchin de Bigorre,
frere germain au seigneur d’Auchin, cil
ne se voult onques tourner françois, Er
naudon de Sainte Coulombe, Ernauldon
de Rostem, le Mongat de Sainte Basille et
le bourc de Carvelac. Ces capitaines si
firent en Bigorre, en Thoulousain, en Car
cassonnois et en Abbigoiz, pluseurs cour
ses et envahies, car sitost comme ilz es
toient hors de Lourde, ilz se trouvoient
en terre d’ennemis, et se croisoient en cou
rant et en chevauchant le païs, et se met
toient, tel foiz estoit, a l’aventure pour gai
gnier trente lieues de leur fort; en alant
ilz ne prenoient riens, mais au retour
riens ne leur eschapoit, et admenoient,
tel foiz estoit, si grant bestail et tant de
prisonniers que ilz ne les savoient ou
logier, et raençonnoient tout le païs
excepté la terre50 au conte de Fois, mais en
celle ilz n’osaissent pas prendre une poule
sans paier, ne sur homme qui feust au
conte de Fois, ne qui eust son conduit51, car
s’ilz l’eussent courroucié ilz n’eussent point
duré. Cil compaignon de Lourde
avoient trop beau courir ou ilz leur plai
soit, et chevauchier. Asséz pres de la, si com
me je vous ay dit, siet la ville de Tharbe que
ilz tenoient en grant doubte, et tindrent
tant que ilz se mirent en patti a eulx. En
revenant de Tharbe a leur fort siet un
grant village et une bonne abbaie ou ilz
firent moult de maulx, que on appella
Guiors, mais ilz se mirent en patti52 a

eulx. D’aultre part, sur la riviere de Lisse,
siet une grosse ville fermee que on ap
pelle Bagnieres. Ceulz d’icelle ville avoi
ent trop fort temps, car ilz estoient he
riéz et guerroiéz de ceulx de Lourde et de
ceulx de Mauvoisin, qui leur estoient
encores plus prochain. Cil chastel
de Mauvoisin siet sur une montaigne,
et dessoubz queurt la riviere de Lisse
qui vient ferir a une bonne ville fermee
qui est moult pres de la, que on appelle
Tournay41. Les gens de Tournay avoi
ent tout le trespas de ceulx de Lourde
et de ceulx de Mauvoisin. A celle ville
de Tournay ne faisoient ilz nul mal
ne nul dommaige pour tant que ilz
avoient la leur retour et leur passage.
Et aussi les gens de la ville avoient
bon marchié de leur pillage, et si sa
voient moult bien dissimuler avecques
eulx; faire leur couvenoit se ilz vou
loient vivre, car ilz n’estoient aidié
ne conforté de nullui. Le cappitaine
de Mauvoisin estoit Gascon et avoit
nom Raymonnés de l’Espee, appert homme
d’armes durement. Et vous di que ceulz
de Lourde et de Mauvoisin raençonnoient
autant bien les marchans du royau
me d’Arragon et de Casteloigne comme
ilz faisoient les François, se ilz n’estoi
ent a pattis a eulx. En ce temps
que je emprins a faire mon chemin et
de aler devers le conte de Fois, pour
tant que je ressoignoie la diversité du
païs ou je n’avoie onques esté ne entré,
quant je me fuz partis de Carcassonne,
je laissay le chemin de Thoulouse a
la bonne main et prins le chemin a
la main senestre, et vins a Montroial
et puis a Fougens, et puis a Bellepuis,
la premiere ville fermee de la conté
de Foys, et de la a Maiseres, et puis pb 206 r