Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 207 v | Next
pb 207 v

le quel avoit aussi a faire a Paris pour
ses besoignes. Cil abbéz dist que il lui
menroit a ses fraiz et despens. Cil fu tout
liéz quant il aroit ses fraiz quittes, et
se mist au chemin avec le Mongaut, lui
seulement et un varlet. Ilz n’eurent pas
esloignié Montpeslier trois lieues quant
li Mongaus le prinst et l’amena par voi
es torses et obliques et par chemins perduz.
Et fist tant que il le tint en la garni
son de Lourde; et depuis le raençonna
il, et en ot cinq mille frans." "Sainte
Marie! sire," di je lors au chevalier, "cil
Mongaus estoit il appert homme d’armes?"
"Oil, voir", dist il, "et par armes mourut
il, et sur une place ou nous passerons
dedens trois jours, au pas qu’on dit au
Lare en Bigorre, dessoubz une ville que
on dit la Chivitat." "Et je le vous ramen
teveray", di je au chevalier, "quant nous se
rons venu jusques a la." Ainsi che
vauchasmes nous jusques a Montes
quien, une bonne ville fermee qui est
au conte de Fois, que li Herminages et
li Labrissien60 prindrent61 et emblerent une
foiz; mais ilz ne la tindrent que III jours.
Au matin nous nous partismes
de Montesquien et chevachasmes vers
Palamininch, une bonne ville fermee
seant sur la Garone, qui est au conte de
Fois. Quant nous fusmes venu moult
pres de la, nous cuidasmes passer au
pont sur la Garonne pour entrer en la
ville; mais nous ne peusmes, car le jour
devant il avoit onniement pleu es
montaignes de Casteloigne et d’Arragon,
par quoy une autre riviere qui vient
de cellui païs, qui s’appelle le Salas, estoit
tant creuz, avecques ce que elle court
roidement, que elle avoit mené aval
la Garonne et rompu une arche du
pont qui est tout de bois, pourquoy il

nous couvint retourner a Montesquien
et disner, et la estre tout le jour. A l’en
demain le chevalier eust conseil que il
passeroit audevant de la ville de Casseres,
a bateaux, la riviere. Si chevauchas
mes celle part et venismes sur le riva
ge, et feismes tant que nous et noz
chevaulx feusmes oultre. Et vous di
que nous traversasmes la riviere de
Garonne a grant paine et en grant
peril, car le bateau n’estoit pas trop
grant ou nous passasmes, car il n’y
pouoit entrer que deux chevaulx a
coup et ceulx qui les tenoient et les
hommes qui le batel gouvernoient. Quant
nous feusmes oultre nous cheismes a
Casseres, et demourasmes la tout le
jour. Endementres que les varlés appa
reilloient le soupper, messire Espaeng
de Lion me dist: "Messire Jehan, alons
veoir la ville." "Sire," di je, "je le wueil."
Nous passasmes au long de la ville et
venismes a une porte qui siet devers
Palamininch, et passasmes oultre et
venismes sur les fosséz. Le chevalier
me monstra un pan du mur de la ville
et me dist: "Veéz vous ce mur illuec?" "Oil,
sire," di je, "pourquoy le dictes vous ?" "Je
le di pour tant", dist li chevaliers, "vous
veéz bien que il est plus nuef que li autre?"
"C’est verité", respondi je. "Or", dist il,
"par quele incidence ce fu, et quele chose,
il y a environ X ans il en advint. Autre
foiz53 vous avéz bien oy parler de la guerre
du conte d’Armignac et du conte de
Foiz, et comment pour le païs de Berne,
que le conte de Fois tient, le conte d’Ar
mignac l’a guerroié et encore guerroie,
combien que maintenant il se repose;
mais c’est par les trieuves qu’ilz ont
ensemble. Et vous di que li Hermignagues
et li Labrissien n’y ont riens gaigné, pb 208 r