Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 209 r | Next
pb 209 r

riviere. Adonc di je au chevalier: "Sire, véz
ci un fort passage et une forte entree
de paÿs." "C’est voir," respondi le chevalier,
"et combien que l’entree soit forte, toute
voie le conte de Fois la conquist une foiz,
et passerent, li et ses gens, tous par ci,
et vindrent a Palamininch et a Mon
tesquien, et jusques a la cité de Paumiers.
Si estoit le passage asséz bien gardéz,
mais archiers d’Angleterre qu’il avoit en
sa compaignie lui aidierent grandement
son fait a faire, et le grant desir aussi
qu’il y avoit de passer tout oultre pour
venir en la marche de Paumiers. Or
chevauchiéz deléz moy et je vous diray
quele chose il y fist adonc." Lors chevau
chay je deléz messire Espaeng de Lion,
et il me commença a faire son compte:
"Le conte d’Armignac63et le sire de
Labreth", ce dist li chevaliers, "atout bien
cinq cens hommes d’armes, s’en vindrent
en la conté de Fois et en la marche de Pau
miers, et fu droitement a l’entree d’aoust
que on doit requeillir les biens aux champs
et que les roisins meurissent; et par celle
saison il en y avoit grant habondance
ou paÿs dessusdit. Messire Jehan d’Ar
mignac et ses gens se logierent adonc
devant la ville et le chastel de Savredun,
a une petite lieue de la cité de Paumiers,
et la livrerent ilz assault, et manderent
a ceulx de Paumiers que, se ilz ne se rache
toient leurs blefs et leurs vignes, ilz ar
droient et destruiroient tous. Ceulx de
Paumiers se doubterent, car le conte
leur sire leur estoit trop long — il estoit
en Berne — et eurent conseil d’eulx rache
ter, et se racheterent a VIM frans; mais
ilz prindrent XV jours de terme, lesquelz
on leur donna64. Le conte de Foiz fu
enfourméz de tout cest affaire, si se hasta
au plus qu’il pot, et manda gens de tous
costéz. Tantost il en ot asséz, et s’en vint

a pointe d’esperon devers Paumiers, et passa
au Pas de la Garde, a celle porte coulice de fer
et le conquist, et s’en vint bouter en la cité de
Paumiers. Et gens li venoient de tous lez,
et avoit adonc largement XIIC lances. Et
feust venu sans faulte combatre messire
Jehan d’Armignac et ses gens se ilz eussent
attendu; mais ilz se partirent et se retrai
rent, et rentrerent en la conté de Comminges,
et point n’emporterent l’argent de ceulx
de Paumiers, car ilz n’orent pas loisir de
l’atendre. Mais pour ce ne le quitta pas le
conte de Fois a ses gens, mais dist que il
l’aroit et qu’il l’avoit gaignié, quant il
estoit venu tenir sa journee, et bouter hors
du paÿs ses ennemis. Si l’eust, et en paia
ses gens d’armes. Et la se tint tant que
les bonnes gens eurent recueilli et ven
dengié, et le leur mis asseur." "Par ma
foy!" di je au chevalier, "je vous oz volentiers."
En ce moment nous passasmes deléz un
chastel qui s’appelle La Bretice, et puis un
autre chastel que on dist Bacelles, et tout
en la conté de Comminges. En chevauchant,
je regarday et vy pardela la riviere un
tresbel chastel et grant, et bonne ville
par apparance. Je demanday au chevalier
comment ce chastel estoit nommé. Il me
dist qu’on l’appelloit Montesplain, "Et est
a un cousin du conte de Fois qui porte
les vaches par armoierie, que on dist messire
Rogier d’Espaigne. C’est un grant baron et
grant terrien, en ce païs ci et en Thoulou
sain, et est pour le present seneschal de
Carcassonne." Lors demanday je a messire
je a messire Jehan Espaeng de Lion: "Et
cil messire Rogier d’Espaigne, quele chose
estoit il a messire Charles d’Espaigne qui
fu connestable de France?" Dont me res
pondi le chevalier et me dist: "Ce n’est point
de ces Espaignolz la, car cil messire Loÿs
d’Espaigne et messire Charles de qui vous
parléz vindrent du royaume d’Espaigne pb 209 v