The Online Froissart

Facsimile mode Settings Browse | Collate

pb 214 r

tenir, et foullé jusques a la grosse alaine,
tout bellement ilz se departoient et s’en
aloient seoir sur un fossé ou emmi le pré,
et ostoient leurs bacinés et se refreschis
soient. Et puis, quant ilz estoient bien ra
freschis, ilz remettoient leurs bacinés
et s’en venoient combatre; ne je ne cuide
pas que onques si bonne besoigne feust,
ne si dur rencontre, ne bataille si bien
combatue, puis la bataille des Trente⁸³ qui
fu en Bretaigne, comme ceste de Marte
ras fu en Bigorre. Et la estoient main
a main li un a l’autre; et la fut sur le point
d’estre desconfit Ernenton de Sainte Cou
lombe, qui est asséz bel escuier, grant

et
fort et bon homme d’armes, d’un escuier
de ce païs qui s’appelloit Guillonnet de
Salenges; et l’avoit cil mené jusques a
la grosse alaine, quant il en advint ce
que je vous diray. ¶ Ernauton de
Sainte Coulombe avoit un varlet qui re
gardoit la bataille, ne point ne se comba
toit, ne aussi

on ne lui demandoit riens.
Quant il vit son maistre ainsi mené que
presque a oultrance, il fu moult cour
rouciéz, et vint a son maistre, et prinst
la hache entre ses mains dont il se com
batoit, et lui dist en la prenant: "Ernau
ton, aléz vous seoir et reposer. Vous ne
vous savéz combatre." Et quant il ot la
hache, il vint a l’escuier et lui donna tel
coup sur le bacinet que il l’estourdi tout
et fist chanceler et presque cheoir a terre.
Quant Gillonnet se senti ainsi ferus,
si lui vint a grant desplaisance, et voult
venir sur le vallet, et le cuida ferir de sa
hache en la teste, mais le varlet se muça
soubz le coup, et ne fu pas attaint. Si
embraça l’escuier, qui estoit traveilliéz de
longuement

combatre, et le tourna et
abati soubz lui a la luite, et dist: "Je vous
occiray se vous ne vous rendéz a mon

maistre." "Qui est ton maistre?" dist il. "Er
nauton de Sainte Coulombe, a qui vous avéz
huy tant combatu." L’escuier vit que il n’a
voit pas l’avantaige, et qu’il estoit dessoubz
cellui varlet, qui tenoit une dague pour lui
ferir se il ne se rendoit; si se rendi a venir
dedens XV jours tenir son corps prisonnier
a Lourde, rescoux ou non rescoux. Ce ser
vice fist le varlet a son maistre.

¶ Et vous
di, messire Jehan, que la eust fait par telz
choses, trop grant foison d’apertises d’armes,
et des compaignons juréz et fianciéz, les uns
venir a Tharbe, et les autres aler a Lourde. Et
se combatirent ce jour main a main, sans
eulx espargnier, Ernauton Bisette et li
Montgaut de Sainte Basille, lesquelz y firent
maintes appertises d’armes; et n’y avoit
homme qui ne feust asséz embesoigniéz de
lui combatre. Et tant se combatirent qu’ilz
furent si oultréz, que ilz ne se peurent mais
aidier. Et la furent mort sur la place deux
des capitaines, le Montgaut de Lourde, et
d’autre part Ernauton Bisette. Adonc se
cessa la bataille par l’accord de l’un et de l’autre,
car ilz estoient si fouléz que ilz ne pouoient
mais

tenir leurs haches, et se desarmoi
ent li aucun pour eulx rafreschir, et lais
soient la leurs armeures. ¶ Si empor
terent ceulx de Lourde le Mongaut, tout occis,
et li François a Tharbe Ernauton Bisete. Et
pour ce qu’il feust remembrance de la batail
le, on fist la une croix de pierre⁸⁴ ou ces II
escuiers s’abatirent et moururent. Vela la, je
la vous monstre." A ces motz cheismes nous
droit sur la croix, et y deismes chascun pour
les ames des mors une patenostre.

SHF 3-12 sync Comment le bourc d’Espaigne rescouy la proye
aux compaignons du chastel de Lourde, et
comment ilz furent ruéz jus.
"Par ma foy, monseigneur", di je au
chevalier, "je vous ay volentiers oy
parler; et ce fu voirement une dure et aspre pb 214 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.