Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 214 v | Next
pb 214 v

besoigne a si petit de gens. Et quele
chose advint a ceulx qui conduisoient la
proie?" "Je le vous diray", dist il. "Au pont a
Tournay dessoubz Mauvoisin ilz venoient
passer si comme je vous ay dit, et l’avoient
ordonné; et la trouverent ilz l’embusche du
bourc d’Espaigne, qui estoit forte asséz pour
eulx combatre, qui leur saillirent tout au
devant. Cilz de Lourde ne pouoient reculer,
et pour ce aventurer les couvenoit. Je vous
di vraiement que la y ot il aussi dure be
soigne, et fort combatu, qui dura aussi lon
guement ou plus que celle de Marteras.
Et vous di que Ernauton d’Espaigne y fist
la merveilles d’armes, qui tenoit une hache
et ne feroit homme qu’il ne portast a terre,
car il est bien tailliéz de cela faire, car
il est grant et fort et gros de membres,
sans estre trop chargiéz de char. Et prinst
la de sa main les deux capitaines, le
bourch de Carnillac et Perrot, palatin de
Berne. Et la fu mort un escuier de Navarre
qui s’appelloit Ferrande de Mirende, qui es
toit moult appert homme d’armes, mais
les aucuns dient, qui furent a la besoigne,
que le bourch d’Espaigne l’occist, et li autre
dient qu’il fu estains en ses armeures.
Finablement la proie fu rescousse, et tous
ceulx qui la conduisoient mors ou pris.
Ilz ne s’en sauverent pas trois, se ce ne
furent varlés qui se desmarchierent et pas
serent la riviere de Lese a no. Ainsi
ala de ceste aventure, et ne perdirent
onques tant cil de Lourde comme ilz fi
rent adonc. Si furent raençonnéz cour
toisement, et aussi ilz s’eschangoient li un
pour l’autre, car ceulz qui se combatirent
droit ci sur le Pas du Larre en fiancierent
pluseurs, par quoy il couvenoit que ilz feus
sent courtois et amiables a leurs compai
gnons." "Sainte Marie, sire!" di je au
chevalier, "le bourch d’Espaigne est il si

fort homme comme vous me comptéz?"
"Par ma foy," dist il, "oil, car en toute Gas
coingne on ne trouveroit point son pareil
de force de membres, et pour ce le tient
le conte de Fois a compaignon. Et n’a
pas trois ans que je li vy faire ou chas
tel a Ortais un grant esbatement et revel,
le quel je vous compteray. Il ad
vint que au jour d’un Noël, le conte de
Fois tenoit sa feste grande et planteureuse
de chevaliers et d’escuiers, si comme il a de
usaige; et en ce jour il faisoit moult
froit. Le conte avoit disné en sa sale, et
avec lui grant foison de seigneurs. Aprés
disner il parti de la sale et s’en vint sur
unes galeries, ou il y a monter par une
large alee XXIIII degréz. En ces galeries
a une cheminee ou on fait par usaige
feu, mais quant le conte y sejourne et
non autrement; il y a petit feu, car il
ne voit point volentiers grant feu. Si
est bien en lieu d’avoir plantureuseté de
busche, car ce sont tous bois en Berne, et
y a bien de quoy chauffer quant il veult,
mais le petit feu il a de coustume. Advint
adonc que il geloit moult fort, et li airs
estoit moult froit. Quant il fu venus es
galeries, il regarda le feu, et lui sembla
asséz petit. Et dist aux chevaliers qui
la estoient: "Véz ci petit feu selon le froit."
Ernauton d’Espaigne entendi sa parole; si
descendi tantost les degréz, car par les
fenestres de la gallerie qui regardoient
sur la court, il vit la une quantité de
asnes chargiéz de busche qui venoient
du bois pour le servise de l’ostel. Il vint
en la court et prinst le plus grant de ces
asnes, tout chargié de busche, et le charga
sur son col moult legierement, et l’ap
porta amont les degréz, et ouvri la
presse des chevaliers et escuiers qui de
vant la cheminee estoient, et renversa pb 215 r