The Online Froissart

Facsimile mode Settings Browse | Collate

pb 21 v

de l’ost tous ceulx qui ordonnéz y furent
de aler, et avoient a cappitaines Passe
de Harselle. Tant exploittierent les Fla
mens que ilz vindrent un jeudy au soir
en un villaige a une petite lieue de Terre
monde, sur la riviere de Tenre, et la se
logierent, ces Flamens avoient pour
veu grant foison de nefs et fait venir
aval sur la riviere, pour entrer ens et
pour assaillir par eaue et par terre. Un
petit aprés mienuyt, ilz se leverent et
armerent et appareillerent de tous points,
ainsi que pour tantost combatre que ilz
seroient la venu, et seurprendre les chevaliers
en leurs lis. Et puis se mistient au che
min, aucunes gens du paÿs, qui soeurent
ce couvenant, s’en vindrent de nuyt a
Terremonde, et infourmerent les gardes
de cel affaire, et leur distrent: "Soiéz sus vo
stre garde. Car grant foyson de Gantoys
gisent a nuyt moult pres de cy, et si ne
savons que ilz veulent faire." Les gardes
des portes recorderent tout ce au chevalier
du guet, qui s’appelloit messires Thierry de
Bredorode, de Hollande . Lors que il en fut
advisiéz, il fut sus sa garde et le fist
signiffier au chastel et par tous les
hostelz en la ville ou les chevaliers se logoyent.
¶ Droittement sus le point du jour
vindrent les Flamens par terre et par
eaue sus leurs nefs, et avoient si bien
appareillé leur besoingne que pour tan
tost assaillir. ¶ Quant ceulx de la
ville et du chastel sentirent que ilz ap
prouchoient, si commencierent a sonner
leurs trompettes et a resveiller toutes
gens. Et ja estoyent la greigneur par
tie des chevaliers et des escuiers tous arméz.
Le conte de Flandres, qui dormoit ou

chastel, entendi ces nouvelles que les
Flamens estoient venus et ja assail
loient, tantost il se leva et arma, et
yssi hors du chastel, sa banniere de
vant lui. ¶ Deléz lui, ad ce jour, estoient
messire Gossuins de Wille, grant bail
lif de Flandres, le sire de Gantus, messire
Gerart de Rasenghien, messire Phelippe
ly jeunes, messire Phelippe de Maminez
et des autres, telz que messire Hugues
de Rogny, Bourguignon. Si se trayrent
tous ces chevaliers dessoubz la banniere
du conte, et alerent a l’assault qui
estoit ja commenciéz dur et horrible.
Car ces Flamens avoient apporté
en leurs nefs canons dont ilz tray
oient les karreaulx si grans et si
fors que qui en estoit conceuz, il n’y
avoit point de remede que il ne feust
mors. Mais a l’encontre de ces kar
reaulx on estoit moult fort pave
schiéz et avoient les gens du conte
grant foyson de bons arbalestriers
qui donnoient par leur trayt moult
affaire aux Flamens. ¶ D’autre
part, en son ordonnance et a sa def
fense, estoit le duc des Mons, sa ban
niere devant lui. En sa compaignie
estoient le sire de Brederode, messire
Guillaume Joye, messire Thierry de
la Naire, messire Winans de Chupe
royes, et plusieurs autres, et fai
soient bien chacun son devoir du def
fendre. ¶ D’autre part et a une autre
porte estoient messire Robers d’Asbe,
messire Jehan Villains, le sire de
Widescot et messire Robert Mares
chaulx, et vous dy que cilz assaulx
fut grans et fors, et assailloyent pb 22 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.