Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 223 v | Next
pb 223 v

quatre de ses chiens et navréz pluseurs, tant
que tous les autres le redoubtoient. Adonc
prinst messire Pierre de Berne une espee de
Bourdiaux134 que il portoit, et s’en vint ireu
sement pour la cause de ses chiens que
il veoit mors assaillir le dit ours, et la
se combati a lui moult longuement, et en
fu en grant peril de son corps, et reçut
grant paine ainçois qu’il le peust descon
fire. Finablement il le mist a mort, et
puis retourna a l’ostel en son chastel de
Languidendon en Bisquaie, et fist aporter
l’ours avecques lui. Tous et toutes se mer
veilloient de la grandeur de la beste et
du hardement du chevalier, comment il
avoit osé assaillir et desconfire. Quant
sa femme la contesse de Bisquaie le vit,
elle se pasma et monstra que elle eust trop
grant douleur, si fu prinse de ses gens et
portee en sa chambre, et fu ce jour et la nuit
ensuivant et tout le lendemain durement
desconfortee, et ne vouloit dire que elle avoit.
Au tiers jour elle dist a son mari: "Monseigneur,
je n’aray jamais santé jusques a ce que
j’aye esté en pelerinage a Saint Jaques. Donnéz
moy congié d’y aler, et que je y porte Pierre
mon filz et Andriene ma fille, je le vous
requier." Messire Pierre lui accorda trop legiere
ment. La dame se parti en bon arroy et em
porta et fist porter devant li tout son tre
sor, or, argent et joyaulx, car bien sa
voit que plus ne retourneroit, mais on
ne s’en prenoit point garde. Toutefois fist
la dame son voyage et pelerinaige, et prinst
achoison d’aler veoir le roy de Castille son
cousin, et la royne, et vint devers eulx.
On lui fist bonne chiere. Encores est elle
la, et ne veult point retourner ne ren
voier ses enfans. Et vous di que en la
propre nuit dont le jour messire Pierre
avoit chacié et tué l’ours et occis, endementres
que il se dormoit en son lit, ceste fantasie.

Et veult on dire que la dame le savoit
bien, sitost comme elle vit l’ours, et que
son pere l’avoit chacié une fois, et en
chaçant une voix li dist, et si ne vit riens:
"Tu me chaces, et si ne te vueil nul dom
maige, mais tu mourras de male mort."
Dont la dame ot remembrance de ce
quant elle vit l’ours, par ce qu’elle avoit
oy dire a son pere, et li souvint voire
ment comment le roy dam Pietre l’avoit
fait decoler et sans cause, et pour ce se
pasma elle, ne jamais pour celle cause
n’amera son mari, et tient et maintient
que encores lui mescherra du corps avant
qu’il muire, et que ce n’est riens de ce
qu’il fait envers ce qu’il li avendra.
Or vous ay je compté de messire
Pierre de Berne", dist l’escuier, "selonc ce
que vous m’en avéz demandé, et c’est
chose toute veritable, car ainsi en est
et ainsi en advint, et que vous en
semble?" Et je, qui tout pensif estoie
pour la grant merveille, respondi et
dis: "Je le croy bien, et ce puet bien estre.
Nous trouvons en l’escripture que ancien
nement les dieux et les deesses a
leur plaisance muoient les hommes
en bestes et en oyseaux, et aussi bien
faisoient les femmes. Aussi puet estre
que cel ours avoit esté un chevalier cha
çant es forests de Bisquaie, si courrouça
ou dieu ou deesse en son temps, pourquoy
il fu muéz en fourme d’ours, et
faisoit la sa penitance, si comme Atteon
fu muéz en cerf135.""Acteon?" respondi li
escuiers, "doulz maistres, or m’en comp
téz le compte, et je vous en pri." "Volen
tiers", di je, "selon les anciennes escrip
tures. Nous trouvons escript
que Atteon fu un appert, faitiz et jolis che
valier, et amoit le deduit des chiens
sur toute riens, dont il advint une
pb 224 r