The Online Froissart

Facsimile mode Settings Browse | Collate

pb 224 r

fois que il chaçoit es boys de Thessale, et
esleva un cerf merveilleusement grant
et bel, et le chaça tout le jour et le
perdirent toutes ses gens et ses levriers
aussi. Il qui estoit fort ententif et de
sirant de poursuivir sa proie, suivi la
chace et la trace du cerf tant qu’il vint
en une pree ou boys enclose et adviron
nee de haulx arbres, et la en celle pree
avoit une tresbelle fontaine. En celle
fontaine pour soy rafreschir se bail
gnoit Diane la deesse de chasteté, et
autour de lui estoient des pucelles.
Le chevalier s’embati sur elles, ne
onques il ne s’en donna garde. Si ala
si avant que il ne pot reculer. Elles qui
furent honteuses et estranges de sa
venue, couvrirent errant leur dame
qui fu vergoigneuse de ce que elle estoit
nue, mais par dessus toutes ses pu
celles elle apparoit et vit le chevalier.
Si dist:

"Atteon, qui ci t’envoya, il ne t’a
ma gueres. Je ne vueil pas, quant tu
seras ailleurs que ci, que tu te vantes
que tu m’aies veü nue, ne mes pucelles.
Et pour l’outraige que tu as fait il t’en
fault avoir penitence. Je vueil que tu
soies tel et en la fourme que le cerf
que tu as huy chacié est." Tantost Atteon
fu muéz en cerf, de sa nature aime
les chiens. ¶ Ainsi puet il avenir
de l’ours dont vous m’avéz fait vostre
compte, et que la dame y scet autre cho
se,

ou savoit, que elle ne disist pour
l’eure; si la doit on tenir pour excusee."
L’escuier respondi: "Il puet estre." Ainsi
finasmes nous nostre compte.

SHF 3-23 sync De la grant
feste que le conte de Foix faisoit de saint Nicholas,
et des fais d’armes que Bascot de Maulion
compta a sire Jehan Froissart.
Entre les solennitéz que le conte
de Fois fait des haulz jours

solennelz de l’An, il fait trop solennellement
grant compte et grant feste, ou qu’il soit.
Ce me dist un escuier de son hostel le tiers
jour que je fu venus a a Ortais, de la nuit
saint Nicolas en yver, et en fait faire so
lennité par toute sa terre, aussi haulte et
aussi grande et plus que le jour de Pasques,
et j’en vy bien l’apparant, car je fu la a
tel jour. Tout le clergié de la ville d’Or
tais, et toutes les gens, hommes, femmes
et enfans, en procession alerent querre le
conte au chastel, le quel tout a pié avec
le clergié et les processions parti du chastel,
et vindrent a l’eglise Saint Nicolas. Et
la chantoient une pseaume du psaultier

David qui dit ainsi: Benedictus Dominus,
Deus meus, qui docet manus meas ad
prelium et digitos meos ad bellum¹³⁶. Et
quant ceste pseaulme estoit finee, il la
recommençoient comme on feroit le jour
de Noël ou de Pasques en la chappelle du
pape ou du roy de France, car a ce temps
il avoit grant foison de bons chantres. Et
chanta la messe pour le jour l’evesque de
Paumiers, et la ouy sonner et jouer des
orgues aussi melodieusement comme je
fis onques en quelconque lieu ou je feusse.

Briefment, a parler de verité et par raison,
l’estat du conte de Fois qui regnoit pour
ce temps que je di estoit tout parfait, et il
de sa personne si sage et si percevant, que nul
hault prince de son temps ne se pouoit
comparer a lui de sens, d’onneur et de
largesce¹⁴³. Les festes de

Noël qu’il tenoit
moult solennelles, la veist on venir en
son hostel foison chevaliers et escuiers de
Gascoigne, et a tous il feist bonne chiere.
Et la vy le bourch d’Espaigne, du quel et
de sa

force messire Espaeng de Lion m’avoit
parlé. Si l’en vi plus volentiers, et lui fist
le conte de Fois bon semblant. La vi chevaliers
d’Arragon et Anglois lesquelz estoient pb 224 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.