Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 226 v | Next
pb 226 v

onques ne s’ouvri sur nous, et nous feus
mes oultre environ le quart d’une lieue, ilz
saillirent hors et vindrent sur ceulx qui es
toient au rivaige, et se bouterent entr’eulx
et les desconfirent de fait, et tous furent
mors ou prins, et les chevaulx conquis et
la navie arrestee; et monterent sur noz che
vaulx et ferirent a pointe d’esperon et fu
rent aussitost a la ville comme nous. On
crioit: Nostre Dame! Sancerre157!, car le conte es
toit la avecques ses gens, et messire Loÿs et
messire Robert avoient fait l’embusche. La
feusmes nous encloz de grant maniere, et
ne savions au quel entendre, et la ot grant
pousseis de lances, car ceulx qui estoient
a cheval, aussitost que ilz furent a nous,
ilz mistrent pié a terre et nous assaillirent
fierement. Et ce qui trop nous greva, nous
ne nous pouions eslargir, car nous es
tions entréz en un chemin le quel a deux
costéz estoit encloz de haultes haies et de
vignes, et encores entr’eulx qui congnoissoi
ent le païs et le chemin, une quantité de
eulx et de leurs valés estoient montéz a
mont es vignes, qui nous gettoient pierres
et cailloux telement que ilz nous froissoi
ent et rompoient tous. Nous ne pouyons
reculer, et si avions grant paine au mon
ter contre la ville qui siet sur une mon
taigne. La feusmes nous moult traveilliéz,
et la fu navréz ou corps tout oultre mes
sire Jehan Aymery, nostre souverain capitai
ne et qui la nous avoit menéz, de la main
Guichart Albregon; et le prinst, et mist grant
paine a lui sauver, et le bouta en la ville
en une maison et le fist getter sur I lit;
et dist Guichart a l’oste de l’ostel: "Gardéz
moy bien ce prisonnier, et faictes diligence
qu’il soit estanchiéz de sa plaie, car il est
bien tailliéz, s’il me demeure en vie, que il
me paie XXM frans." Aprés ces paroles,
Guichart laissa son prisonnier et retourna

a la bataille, et y fu tresbon homme d’ar
mes avecques les autres. Et la estoient
en la compaignie des enfans de Sancerre,
et venuz pour l’amour des armes et ai
dier a defendre et garder le paÿs: messire
Guichart Daulphin, le sire de Talus, le
sire de Mournay, messire Girart et mes
sire Girart, et messire Guillaume de Bour
bon, le sire de Goussant, le sire de la Pierre,
le sire de la Palithe, le sire de Nence, mes
sire Loÿs de la Croise, le sire de la Siete158, et
pluseurs autres. Et vous di que ce fu
une bataille tresdure et un rencontre
tres felon, et nous tenismes et defen
dismes tant que nous peusmes, et
tant que de l’un costé et de l’autre en y ot
pluseurs occis et navréz. Et a ce que
ilz monstroient, ilz nous avoient plus
chier a prendre vifs que mors; nous
fusmes la tous pris, Carsuelle, Lamit,
Naudon de Pierregort, Espiote, le bourc
de Lespare, Angerot de Lamongis, Phelippe
de Roe, Pierre de Courton, le Pesat de
Paumiers, le bourc d’Ermesen, et tous
noz capitaines de la environ. Si feus
mes menéz ou chastel de Sancerre et
la conjoÿ a grant joye, ne onques ou
royaume de France les compaignons
tenans routes ne perdirent si grossement
comme ilz firent la. Toutefoiz, Guichart
Albregon perdi son prisonnier, car cil
a qui il l’avoit enchargié, par sa grant
mauvaistié le laissa tant seignier que
il en mourut. Ainsi fina messire Jehan
Aymery. SHF 3-25 sync Par celle prinse et celle des
confiture qui fu dessoubz Sancerre fut
rendue aux François La Charité sur Laire
et toutes les garnisons de la environ,
parmi ce que nous feusmes tous quittes
de noz prisons, et eusmes saufconduit
de partir et de passer hors du royaume
de France et de aler quelque part que il pb 227 r