Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
Show Page Image
Besançon 865
Codicological description
Previous | Folio 229 v | Next
pb 229 v

porté en armes en Auvergne et ailleurs,
mais il n’eust pas le loisir de faire son compte,
car la gaite du chastel sonna pour assem
bler toutes gens d’aval la ville d’Ortais
qui estoient tenuz d’aler au soupper du conte
de Fois. Lors firent ces deux escuiers alu
mer torches, si nous partismes tous en
semble de l’ostel et nous meismes au che
min pour aler au chastel, et aussi firent
tous chevaliers et escuiers qui estoient logiéz
en la ville. SHF 3-27 sync De l’estat et ordonnance du
conte de Fois, et comment la ville de Saint
Irain se rebella pour les excés qu’on leur
faisoit, dont ilz en tuerent pluseurs.
De l’estat, de l’affaire et ordonnance
du gentil conte Gaston de Fois ne
puet on trop parler en tout bien, ne recom
mander177, car pour le temps que je fu a Or
tais je le trouvay tel et oultre dont je ne
puis mie de tout parler, mais je sçay bien
que par le temps que je y fu, je y vy moult
de choses qui me tournerent a grant plai
sance, et la vy seoir a table le jour d’un
Noël quatre evesques de son paÿs, les deux
clementins178, et les deux urbanistes, l’eves
que de Paumiers et l’evesque de Lescalle, cle
mentins, ceulx sirent audessus. Et puis
aprés eulx l’evesque d’Aire, et l’evesque de
Ron sur les frontieres de Bordelois et de
Baione179, ceulz estoient urbanistes. Aprés
seoit le conte de Fois, et puis le viconte de
Roquebertin de Gascoigne, le viconte de Bru
niquiel, le viconte de Gousserant et un che
valier anglois que le duc de Lencastre, qui
pour lors se tenoit a Lerbone, avoit la en
voié; et nommoit on le chevalier messire
Guillaume Willevy. A l’autre table seoient
cinq abbéz tant seulement, et deux chevaliers
d’Arragon qui s’appelloient messire Raymon
de Montflorentin180, et messire Martin de
Ruane181. A l’autre table seoient chevaliers de
Gascoigne et de Bigorre, premier le seigneur
d’Auchin, et puis messire Gaillart de la

Mote, messire Raymon du Chastelneuf,
le sire de Chaumont, Gascon, le sires de
Copane, le sire de Lane, le sire de Mont
ferrant, messire Guillaume de Benac, mes
sire Pierre de Courton, le sire de Valenchin,
et messire Angier le Monne de Bascle. Et
aux autres tables, chevaliers de Berne
grant foison. Et estoit souverain mais
tre de salle messire Espaeng de Lion, et
quatre chevaliers maistres d’ostel: messire
Siquart du Boys Vredun, messire Pierre
de Gabestain, messire Monnaus de Nouva
les et messire Pierre des Bans en Bierne.
Et servoient ses deux freres bastars: mes
sire Ernault Guillaume et messire Pierre
de Berne, et ses deux filz servoient de
vant lui: messire Yeuwain de Leschielle
a asseoir tant seulement, et messire
Gracien de la coupe au vin. Et vous di
que grant foison de menestrelz, tant de
ceulx qui estoient au conte, que d’autres
estrangiers, avoit en la salle, qui tous
firent par grant loisir leur devoir de
leur menestrandie. Et ce jour le conte
de Fois donna, tant aux menestriers
comme aux heraux, la somme de VC frans,
et revesti les menestriers du duc de
Touraine, qui la estoient, de drap d’or et
fourré de fin menu vair, lesquelz draps
furent prisiéz a IIC frans. Et dura le
disner jusques a IIII heures aprés nonne.
Et pour ce parole je tres volentiers
de l’estat du gentil conte de Fois, car je
fu XII sepmaines en son hostel, et tres
bien administréz et delivréz de toutes
choses. Et durant le temps que je fuz
a Ortais je pouoie aprendre et oir nou
velles de tous paÿs, se je vouloie, des pre
sentes et des passees. Et aussi le gen
til chevalier messire Espaeng de Lion,
en la quele compaignie je estoie entréz
ou paÿs, et au quel je m’estoie descouvert
de mes besoignes, m’acointoit de chevaliers pb 230 r