The Online Froissart

Facsimile mode Settings Browse | Collate

pb 22 rXXII

moult ouniement par terre et par
eaue en leurs nefs les Flamens, et
en y ot grant foyson de bleciéz de une
partie et de l’autre, et plus ~~Gap: illegible~~des Flamens
que des gentilzhommes. Car ilz
s’abandonnoient trop follement. Si
dura cilz assaulz, sans point cesser,
du point du jour jusques a haulte
nonne, et la ot mort un chevalier de la
partie du conte, qui s’appelloit messire
Hugues de Regny, Bourguignon, dont
ce fut dommaige, et ot grant plainte.
Car par son hardement et lui trop
abandonner il fut occis. La estoit
Rasse de Harselle qui aussi se portoit
vaillaument, et de sa parolle avecques
son fait renfreschissoit grandement
les Gantoys. SHF 2-120 sync Des assaulx qui se fai
soient devant Audenarde. Et de la
paix qui fut entre les Flamens et
le conte de Flandres par le moyen
du duc de Bourgoingne et le sens.
Quant ce vint aprés nonne, ly as
saulx cessa. Car Rasse vit bien que
ilz se travailloient en vain et que dedens
Terremonde il y avoit trop bonnes gens,
par quoy la ville n’estoit mie a prendre,
et se commençoient ses gens fort a las
ser, si fist sonner de la retraitte. Adonc
se retrayrent les Gantoys tout belle
ment selon la riviere, et em remene
rent toute leur navie, et s’en vindrent
ce soir dont ilz estoyent au matin party.
Et a lendemain ilz s’en retournerent
en l’ost devant Audenarde. Si demoura
depuis Terremonde en paix tant que
pour celle sayson, mais le siege se tint
devant Audenarde moult longuement,
et estoient les Flamens qui la seoyent
seigneurs des champs et de la riviere,

ne nulles pourveances n’entroyent en
Audenarde, se ce n’estoit en grant peril
au léz devers Haynault, mais a la fois
aucuns vittailliers, qui s’aventuroient
pour gaigner, quant on dormoit en l’ost, s’a
sembloyent et se boutoient ens es bailles
d’Audenarde, et puis on les mettoit en la
ville. Entre les assaulx qui furent faiz
a Audenarde, il en y ot un trop durement
grant et qui dura un jour toute jour,
et la furent faiz li nouvelz chevaliers de Haynault,
de Flandres et d’Artoys qui estre le voul
drent, et en leur nouvelle chevalerie
on ouvry la porte devers Gand, et s’en
vindrent ly nouvelz chevaliers combatre
aux Gantoys aux bailles, et la ot bonne
escarmousche, et fait des grans apper
tises d’armes, et pluseurs Flamens mors
et bleciéz, mais ilz en faisoient si pou de
compte et si petit ressoingnoient la
mort que ilz s’i habandonnoyent trop
hardiement, et quant ceulx qui devant
estoient, estoient mors ou bleciéz, les
autres, qui estoient derrieres, les tyroient
hors, et puis se mettoient devant et re
monstroient grant visaige. ¶ Ainsi se
continua cilz assaulx qui dura jusques
au soir tant que ceulx d’Audenarde ren
trerent en leur ville et fermerent leurs
portes et barrieres, et les Flamens ra
lerent en leurs logeys. Si entendirent
a ensevelir les mors et appareiller les
navréz, bleciéz et mutiléz.
SHF 2-121 sync Cilz Flamens qui seoyent a siege
devant Audenarde, esperoient
bien par leur siege a conquerre la ville
et ceulz qui dedens estoyent, ou par af
famer ou par assault, car bien savoient
que ilz l’avoient si bien environnee
que par la riviere ne par terre riens pb 22 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.