The Online Froissart

Facsimile mode Settings Browse | Collate

pb 234 v

sions veoir, et moult nous a cousté de paine
et de travail de nous et de noz chevaulx
avant que nous soions venu en ce paÿs. Si
ne serons ja de l’oppinion de voz gens, que nous
ne les voions." "Par ma foy," respondi le roy,
"vous parléz bien et loyaument, et de ceste
guerre et d’autre je useray d’ores en avant
par vostre conseil, car monseigneur mon pere et moy
n’y trouvasmes onques que grant loyaulté.
Et Dieu ait merci de l’ame de messire
Bertran du Guesclin, car ce fu un loyal chevalier par
le quel nous eusmes en son temps pluseurs
belles et grandes recouvrances."

Les paroles, les consaulx et toutes
les responses que le roy damp Jehan
de Castille ot ce jour avecques les chevaliers
de France et de Berne furent sceues entre les
contes et les barons d’Espaigne. Si en furent
durement courrouciéz pour deux raisons.
L’une fu pour tant que le roy a leur semblant
avoit greigneur fiance aux estrangiers que
en eulx qui estoient ses hommes liges, et
qui l’avoient couronné. L’autre fu que les
chevaliers de France donnoient conseil au
roy de eulx la tenir, car ilz estoient tous
lasséz de guerroier. Si en parlerent en
tre eulx en pluseurs manieres, non en
publique mais en privé, et disoient: "Le
roy ne scet guerroier fors que par Fran
çois, et aussi ne fist onques son pere." La
commencierent ilz a avoir envie sur les
François, et bien s’en apparcevoient li varlet
et li fourrageur des chevaliers gascons et
françois, car on avoit ceulx de France et
ceulx du langaige tous logiéz ensemble, maiz
quant les Espaignolz en fourragant estoient
plus fors que les François, ilz leur tolloient
et ostoient leurs pourveances, et estoient
batus et mehaigniéz, tant que les plaintes
en vindrent au roy. Adonc le roy en blas
ma grandement son mareschal messire
Regnault Lymosin, en disant pourquoy il
n’y avoit pourveu. Le mareschal de l’ost s’es

cusa et dist que se Dieu li peust aidier, il
n’en savoit riens, et que il lui pourverroit.
Si establi tantost sur les champs gens
d’armes qui gardoient les pas, par quoy
li fourrageur françois chevauchoient seu
rement. Et encores avecques tout il fist
faire un ban et un commandement, que
toutes manieres de gens qui avoient
vivres et pourveances les aportassent
ou feissent admener a charge ou aultre
ment en l’ost devant Saint Irain, aux
quelles choses on mist pris raisonnable.
Si en eurent li estrangier largement,
car il couvenoit par l’ordonnance du cri
que ilz en feussent servi avant tout
aultre, dont les Espaignolz eurent grant
despit de ceste ordonnance.

SHF 3-34 sync Or advint que en la propre sep
maine que le roy de Castille se des
logea, li et toutes ses gens, du siege de Lu
sebonne, entrerent ou have de Lusebonne
trois grossez nefz chargies de gens d’ar
mes anglois et archiers, et pouoient
estre en somme environ V cens que uns
que autres. Et vous di que les trois
pars estoient compaignons aventureux
hors de tous gaiges, de Calais, de Chiere
bourch, de Brest¹⁹⁶ en Bretaigne et de Mor
taigne en Poitou, lesquelz avoient oy
parler de la guerre du roy de Castille et
du roy de Portingal. Si estoient venus
a Bourdeaux et la assembléz, et disoient
et avoient dit: "Alons nous ent a l’aven
ture en Portingal. Nous trouverons
la qui nous recevra et embesoignera."
Messire Jehan de Harpedanne, qui pour
le temps estoit seneschal de Bourdeaux,
leur avoit grandement conseillié, car
point ne vouloit qu’ilz s’amassassent ou
paÿs de Bordelois pour demourer, car
ilz y pouoient plus faire de maulx que
de biens, pour ce que ilz estoient tous com
paignons aventureux qui n’avoient que pb 235 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.